Bjarmi - 01.06.1995, Blaðsíða 12
BIBLÍUSKÓLAR
Ætti ab skila fleiri
frelsubum sálum
Haraldur Guðjónsson
Haraldur (t.h.) og
Leifur Sigurösson
eru báöir á Fjellhaug
um þessar mundir.
Nú rúmum 40 árum eftir að Lilja dvaldi á
biblíuskóla í Noregi stundar þar ungur íslend-
ingur nám. Haraldur Guðjónsson dvelur við
nám á Fjellhaug um þessar mundir og okkur lék
forvitni á vita hvers vegna hann fór á skólann. Með
hjálp tækninnar gátum við átt stutt viðtal við hann.
„Mig vantaði grunnþekkingu í Guðs orði til þess
að varðveitast sem kristinn maður og svo vildi ég
líka komast að því hvað Guð vildi gera með líf mitt,
hvað ég ætti að gera í framtíðinni. Mér fannst því
biblíuskólanám kjörinn vettvangur til að styrkja
trúna og leita svara við ýmsum spurningum. Mér
fannst ekki erfitt að taka þessa ákvörðun, Fjellhaug
var eini möguleikinn og svo fannst mér upplagt að
skipta alveg um umhverfi og fara út fyrir
landsteinana.“
Hvers konar skóli er Fjellhaug?
„Fjellhaug er 76 ára og er í eigu NLM (Norsk
Luthersk Misjonssamband). Skólinn er í Osló og er
umhverfi hans hið notalegasta. Nemendur eru 85, en
hér eru einnig u.þ.b.
50 kristniboðsnemar,
en hér hefur verið
rekinn kristniboðs-
skóli í næstum því
100 ár. Nemendur
skólans eru á aldr-
inum 18 til 25 ára.“
Hvernig er dags-
skipulagið?
„Dagurinn byrjar
með morgunmat kl.
7:30 til kl. 8:00.
Kennslan byrjar 8:15
og hún stendur til
kl. 15:30. Virka daga
eru tvær hugleiðingar,
önnur kl. 9:00 og hin
kl. 21:50. Síðan eru
biblíuhópar einu sinni
í viku.“
Hverjar eru námsgreinarnar?
„Aðallega biblíufög en einnig trúfræði, siðfræði,
kirkjusaga, kristniboð, sálgæsla og sálfræði,
ritgerðir, lærisveinaþjálfun, leikfimi og ýmiskonar
valfög. Einnig er þó nokkur verkleg kennsla í boðun
og í að halda fundi. Próf í greinunum eru svo tekin,
þrjú fyrir jól og þrjú eftir jól.”
Er námið erfitt?
„Fyrir mig hefur það reynst mjög erfitt, en það er
ekkert að marka því að ég hef alltaf átt við náms-
örðugleika að stríða. Það hefur hins vegar komið
mér á óvart að reglur hér eru ekki eins strangar og
ég hélt. Ég bjóst líka við því að kennararnir væru
lélegir og þröngsýnir og að hér væri almennt séð
dauður og þurr kristindómur. Annað hefur komið á
daginn.“
Hefur námið hreytt þér á einhvern hátt?
„Já, í fyrsta lagi hef ég mun betri biblíuþekkingu
nú en áður og svo hefur þörf kristniboðsins haft djúp
áhrif á mig.“
Hvað með kostnað við námið?
„Vikan hér kostar 860 norskar krónur og þá er
eftir að reikna með ferðapeninga frá og til Islands,
vasapeninga og uppihald í þeim fjórum fríum sem
eru á skólaárinu."
Hvernig gengur að lœra norskuna?
„Það hefur gengið mjög vel. Það var Guðs blessun
og ég tók það mjög alvarlega og lagði hart að mér
vegna þess að ég vissi að árangurinn af náminu væri
undir því kominn að ég kynni norsku. Ég var mjög
kvíðinn fyrir þessum þætti því að ég hafði ekki þá
grunnþekkingu í dönsku sem flestir íslendingar
hafa.“
Finnst þér að allir œttu að fara á biblíuskóla?
„Nei, en mér finnst að allir ættu að fylgja Jesú og
láta hann ráða. Ég er sannfærður um að Jesús hefði
viljað senda mun fleiri. Þetta er spurning um að taka
ábyrgð í Guðs ríki og á eigin sáluhjálp. Við verðum
að vera viljug að vaxa af visku og náð. Hins vegar er
mikið áhugaleysi fyrir Fjellhaug heima á íslandi og
þess vegna erfitt að fá fólk til að fara og til að styrkja
þá sem fara. Við verðum að muna að eitt ár á biblíu-
skóla er ekki bara persónuleg fjárfesting nemandans
heldur styrkir það hið kristna samfélag og ætti að
skila fleiri frelsuðum sálum. Fyrir mér er þetta ekki
spurning um peninga eða ekki peninga, Fjellhaug
eða einhvern annan skóla. Þetta er ekki einu sinni
spurning um hvort skólinn sé skemmtilegur eða ekki
heldur er þetta spurning um að koma sjálfum sér og
sem flestum öðrum á skip náðarinnar.“
12