Bjarmi - 01.06.1995, Blaðsíða 17
KRISTNIBOÐ
Náttúran í öllum sínum fjölbreytileika er gjöf
Guðs til okkar. I hraða og tækni nútímans hættir
okkur kannski til að gleyma þessari gjöf. Það er
líka svo lítil náttúra í steinsteypunni og tölvunni og
öðrum þeim verkum mannanna sem kringum okkur
eru á hverjum degi.
Allt í kringum okkur er sköpum Guðs, en undra-
verðust er hún í hinu nýja lífi sem kviknar á hverju
vori. Vorið og sumarið er því góður tími til að fræða
bömin um Guð og sköpun hans og upplifa hana enn á
ný með þeim. Með því leggjum við stein í þann
grunn sem þau byggja trú sína á.
Guð gerði manninn að ráðsmanni sköpunar sinnar.
Því fylgir ábyrgð sem liggur á okkur í dag. Maður-
inn hefur mikið brugðist í þessu ráðsmannshlutverki
og þannig eyðilagt það jafnvægi sem ríkja á í
náttúrunni. Kristnir menn í dag verða því að gæta
vel að þessu hlutverki sínu og kenna það börnum
sínum.
„Allt sem Guð hefur skapað er gott, og engu ber
frá sér að kasta, sé það þegið með þakkargjörð“
(1. Tím. 4:4).
Börnin þurfa að vinna með það sem þau eru að
læra. Þess vegna er það góð hugmynd að föndra úr
efnum sem við finnum úti í náttúrunni. Það má t.d.
Mikilvægt er að kenna börnum að umgangast og
virða náttúruna - sköpunarverkið.
safna fjörusteinum, líma þá saman með góðu stein-
lími og búa til karla eða önnur listaverk sem síðan
er hægt að mála á marga vegu. Einnig er það góð
hugmynd að safna blómum og öðrum jurtum sem
börnin eru alltaf að tína, þurrka þau og pressa og
líma á spjöld. Þannig má búa til bæði myndir og
gjafakort. Möguleikarnir eru margir en mikilvægt
er að við gætum þess að bera virðingu fyrir náttúr-
unni og skemma ekki neitt. Það er líka mikilvægt
að foreldrar vinni ineð bömum sínum enda gefst þá
gott tækifæri til að vera saman og fræða þau um leið
um sköpunina og Guð. Höfunt í huga orðin í Sálini
145:10: „Öll sköpun þín lofar þig, Drottinn.“ ■
Kristnibobamir á nýja stabi
Ný starfsmiöstöb: Ómórate
Kristniboðarnir Birna G. Jónsdóttir og Guðlaugur Gíslason hafa dvalist
að undanförnu í Ómórate í Eþíópíu, nálægt landamærum Kenýu og
Súdans. Þar á að stofna nýja starfsmiðstöð fyrir lúthersku kirkjuna.
Hjónin fluttust þangað suður eftir snemma á árinu og er hjúkrunarkonan
Elsa Lindtjörn með þeim en hún var samstarfskona Islendinganna sem
voru í Voitó á sínum tíma. Þau hafa fram til þessa búið í tjöldum.
Fólkið þarna heitir Dessenetsj og býr við mikla fátækt. Prédikarar frá
lúthersku kirkjunni hafa starfað Ómórate í nokkur ár og er lítill hópur
kristinna ntanna í bænuni. Hinir kristnu eru fæstir Dessenetsjfólk
heldur aðkomnir. 1 hitteðfyrra voru skírðir þar tíu fullorðnir og 15 börn.
Byrjað var að byggja kirkju fyrir tæpum tveim árum en þá tóku
yfirvöld lóðina af kristna fólkinu. Leyfi fékkst nokkru síðar til að koma
upp kirkju á annarri lóð tvo km fyrir ulan bæinn og er hún nú tilbúin.
Ætlunin er að efla starfið í Ómórate og vinna bæði að boðun og
heilsugæslu, ekki síst nieðal sjálfs Dessenetsjþjóðflokksins. Er stefnt að
því að stöðin verði komin upp á næsta ári.
Þau Bima og Guðlaugur eru væntanleg heim til Islands með dætrum
sínum nú í sumar. Kristniboðarnir, sem eru í Gisma í Voitó, Silja og
Dag Ottar Kiplesund, niunu þá flytjast til Ómórate.
Valdís Magnúsdóttir og Kjartan Jónsson, kristniboðar í Pókot í
Kenýu. koma einnig heim í sumar ásamt bömum sínum.
Nýr starfsvettvangur: Hagere Selam
Hjónin Ragnheiður Guðmundsdóttir og Karl J. Gíslason, kristniboðar í
Eþíópíu, fluttust nú um páskana frá Robe í fylkinu Bale til Hagere
Selam í Sídamófylki í Eþíópíu. Norðmenn reistu kristniboðsstöð í
Hagere Selant á sínum tíma en stöðin er í eigu innlendu kirkjunnar.
Miklir erfiðleikar hafa verið í starfinu í Robe, ekki síst vegna eins starfs-
mannsins í kirkjunni sem tekur einatt ákvarðanir á sitt eindæmi og fer
sínu i’ram þótt honum beri að lúta sljórn annarra. Af þessum sökum nýttust
illa starfskraftar kristniboðanna og varð úr að hjónin færðu sig um set.
Karl hefur þegar hafist handa við að kenna í biblíuskóla sem kirkjan starf-
rækir á stöðinni. Flestir prédikarar og aðrir starfsmenn suðurumdæmis
lúthersku kirkjunnar hljóta biblíufræðslu og starfsþjálfun í þessum skóla.
Biblíuskólinn í Hagere Selam gegnir því mjög mikilvægu hlutverki.
Nýr li&smaöur: Helga Vilborg
Ung stúlka í Reykjavík, Helga Vilborg Sigurjónsdóttir. fer í suntar til
Eþíópíu og mun starfa um eins árs skeið í norska barnaskólanum í
Addis Abeba. Eins og kunnugt er ganga böm íslensku kristniboðanna í
Eþíópíu í þann skóla og dveljast þar í heimavist. Hlutverk Helgu
Vilborgar verður einkum að sinna félagslegu starfi meðal nemendanna
og vera þeim innan handar eftir því sem þörfin kallar hverju sinni.
Það er gleðiefni að Helga Vilborg er fús til að fara lil starfa meðal
skólabarnanna í Eþíópíu og eru kristniboðsvinir hvattir til að skrifa
nafn hennar á bænalistann og biðja fyrir henni af trúfesti.
G.H.t.
17