Bjarmi - 01.06.1995, Blaðsíða 14

BIBLÍUSKÓLAR
I lok október er fyrirhugað námskeið um Lúther.
Fjallað verður um Lúther og ævi hans og trúar-
baráttu í stuttu máli. Síðan verður fjallað um megin-
áherslu í boðun og uppfræðslu Lúthers og hvað við
getum lært af honum. Kennt verður laugardaginn
21. október kl. 9:30 - 13:00 og mánudaginn og
miðvikudaginn 23. og 25. október kl. 20 - 22.
Leiðbeinandi verður dr. Sigurjón Árni Eyjólfsson.
Biblíuskólinn mun einnig standa fyrir einu
laugardagsnámskeiði 18. nóvember sem heitir
Auðlegð, skortur og ábyrgð. Fjallað verður um eign-
ir, auðlegð, efnishyggju og ábyrgð okkar gagnvart
lítilmagnanum; hver sé ábyrgð okkar á eignum
okkar, gagnvart yfirvöldum og náunganum; hugsjón
kirkjunnar og hins kristna í neyslusamfélaginu; guð-
hræðslu og nægjusemi. Nokkrir fyrirlesarar verða en
síðan verða fyrirspumir og umræður.
Bæklingur með nánari upplýsingum um nám-
skeiðsgjald og innritun kemur út í júní og geta þeir
sem áhugasamir eru fengið hann sendan með því að
hafa samband í síma 588 8899.
Biblíuskólinn Eyjólfsstöðum
Miðja vegu milli höfuðstaðar Austurlands
Egilsstaða og stærsta skógar landsins
Hallormsstaðarskógar stendur biblíuskólinn
að Eyjólfsstöðum. Eyjólfsstaðir er gamalt bóndabýli
með rúmlega 300 hektara land og aðra 300 hektara
af óskiptu afréttarlandi. Biblíuskólinn og jörðin eru í
eigu Ungs fólks með hlutverk.
Það hefur tekið mörg ár að byggja skólann. Hann
hóf starfsemi sína árið 1989. Síðan hafa verið haldin
þar mörg námskeið, margskonar og mislöng. Á
komandi hausti er ráðgert að halda svokallað biblíu-
og boðunarnámskeið. Námskeiðið tekur 20 vikur. Af
þeim eru 12 sem fara í kennslu og 8 vikur í verklega
þjálfun í safnaðarstarfi og boðun.
Nemendur á námskeiðinu búa á heimavist skól-
ans. Það að búa í nánu samfélagi við aðra nemendur
þroskar mjög einstaklingana og þeir læra að taka til-
lit hver til annars. Kennslan fjallar einnig um það
hvernig við mætum hvert öðru með kærleika Krists
Biblíuskólinn fyrirgefum hvert öðru. Þannig má segia að stór
Eyjolfsstoðum. f :,
hluti af namskeiðinu se þetta nana samfelag.
Kennslan á námskeiðinu er nijög fjölbreytt og
koma bæði innlendir og erlendir kennarar til með að
kenna. Meðal kennsluefnis er hin kristna guðsmynd,
hjálpræðisverk Jesú Krists, sigur yfir synd, verk
heilags anda, náðargjafirnar og margt fleira. Starfs-
menn veita nemendum ríkulega ráðgjöf og einnig
munu kennarar bjóða nemendum slíkt ef óskað er.
Hluti af námskeiðinu felst í því að nemendur koma
saman í litlum samfélagshópum þar sem kennslan er
rædd og þeim gefst kostur á að ræða það sem þeim
liggur á hjarta. Einnig eru litlir bænahópar starfræktir.
Lofgjörðarstundir eru að jafnaði þrisvar í viku.
Nemendur hjálpast að við að halda hreinu í kring-
um sig og aðstoða við „heimilisstörfin“. Einn dag í
viku er vinnuskylda þar sem nemendur vinna hluta
úr deginum. Það getur verið gott að líta eitt augna-
blik upp úr Biblíunni, taka sér pensil í hönd og mála
grindverk eða gera eitthvað annað heilnæmt. Einnig
er kjörið að rækta líkamann á milli þess sem andinn
er ræktaður og grindverk máluð. Hlaupa- og
gönguferðir eru upplagðar ásamt öðrum íþróttum.
Aðstaðan á skólanum er öll hin ágætasta. Húsið er
700 fm. á tveimur hæðum. Þar munu nemendur
dvelja í tveggja til fjögurra manna herbergjum. Mál-
tíðir eru snæddar í sameiginlegum matsal. Setustofa
er fyrir nemendur á heimavist. Bókasafn er á staðn-
um og aðstaða til þvotta
Einkunnarorð fyrir komandi námskeið eru orð
Jesú Krists: En það er hið eilífa líf að þekkja þig,
hinn eina sanna Guð, og þann sem þú sendir, Jesú
Krist.
Umsækjendur þurfa að hafa náð 18 ára aldri þegar
þeir sækja um skólavist. Umsóknareyðublöð fást á
skrifstofu UFMH í Reykjavík, en einnig er hægt að
fá þau send frá Eyjólfsstöðum. Umsóknir berist til
Biblíuskólans Eyjólfsstöðum, 701 Egilsstaðir. Allar
nánari upplýsingar veita starfsmenn skólans í síma
471 2171.
14