Bjarmi - 01.11.2000, Qupperneq 23

kóngafólks. Hún býr líka við mjög erfió-
an fjárhag í samanburði við það sem við
þekkjum frá Norðurlöndum. Skortur er
auk þess á prestum um þessar mundir.
Oll sókn kirkjunnar byggist því á auknu
sjálfboðastarfi. Þetta fer saman við guð-
fræðilega áherslu á að söfnuðurinn
byggist upp við að hver þjóni öðrum í
kærleika. Vitnaó var til þess biblíulega
skilnings að þjónustan sé Guðs verk sem
hann felur söfnuðinum en ekki prestin-
um einum. Fjórði kafli Efesusbréfsins er
góð lesning í þessu samhengi. Gengið er
út frá því að Guó hafi gefið fólki gjafir
sem hægt er að laða fram og þroska.
Hegralœkur (Heronbrook), ráðstefnusetrið.
I Birmingham, sérstaklega, fannst mér
markvisst unnið að fræðslu og þjálfun
leikfólks til kirkjulegrar þjónustu út frá
skýrri heildarsýn (Birmingham-módelið).
Inn í þessa mynd kemur starfsþjálfun
presta með áherslu á hópvinnu og þjón-
ustuhugsun innan kirkjunnar. Vissulega
gætir óöryggis meðal sumra presta varó-
andi stöðu þeirra þegar aukinn fjöldi
leikmanna kemur til starfa við hlið þeirra
og þá jafnframt með vaxandi menntun
og þjálfun. Lykilatriði er að prestar átti
sig á að staða þeirra versnar ekki heldur
breytist. Tilsjón með þeim sem þjóna og
samhæfing kraftanna verður stærri þátt-
ur prestsstarfsins og það að greina gjafir
fólks og hvetja það til að þroska þær.
I Bretlandi er boðið upp á ýmis kirkju-
leg grunn-fræðslunámskeið sem standa
jafnvel í eitt til tvö ár (t.d. með vikulegri
samveru) og síðan styttri þjálfunarnám-
skeið fyrir þá sem vilja. Reynslan sýnir
hve fólki er dýrmætt að geta haldið
áfram en enda ekki í blindgötu eftir að
áhugi hefur vaknaó á frekara námi eða
þjálfun sem opnar möguleika til aó gefa
af sér í þjónustu.
Viö þjálfun er rík áhersla á að samtím-
is fari af stað í söfnuði ferli sem miðar
að því að taka við viðkomandi leikmanni
í þjónustu. Presti og sóknarnefnd er gert
aó vinna saman ákveóna vinnu og skuld-
binda sig formlega. Þjónustan getur
tengst helgihaldinu, einhvers konar
fræðslustarfi eða heimsóknar- og líknar-
þjónustu. Við lok meiriháttar námskeiða
afhendir biskupinn skírteini í dómkirkj-
unni og með fleiri aðferðum er leikfólki
og forráðamönnum safnaóa sýnt að
fræðsla og þjálfun leikfólks er viður-
kennd. M.a. eru ýmis embætti leikfólks í
söfnuðum sem tiltekin menntun er aó
baki, svo sem lesarar (readers).
Reynslan sýnir að við fulloróinsfræðsl-
una hentar síður að leggja einhliða
áherslu á beina kennslu, fremur að fólk
uppgötvi sannindin saman, t.d. með því
að glíma við biblíutexta eða leita upplýs-
inga um hverfið sitt sem lið í námskeiði
um heimsóknarþjónustu. Fólki er gefið
tækifæri til að læra og á því hafa margir
áhuga. Líka reynist mikilvægt aó per-
sónuleg uppbygging og sjálfsstyrking sé
fléttuð inn í svona námskeió. Góð að-
ferð virðist að láta fólk draga lífssögu
sína inn í verkefnin. Hjálpa fólki til að sjá
gjafir sínar og að Guð hefur, þrátt fyrir
allt með ýmsu móti, verið að vinna í lífi
þess.
23