Heima er bezt - 01.05.1982, Blaðsíða 14

Horft upp StrjúgsskarS. Laxárdalsfjöllin sjást lengst til hægri.
Sveinn AuOunsson.
Haustið 1979 héldu tveir ungir menn
frá Langadal upp í Laxárdal í Aust-
ur-Húnavatnssýslu, þeir Ólafur og
Sveinn Auðunssynir. Var erindi
þeirra að líta dalinn, hvar afi
þeirra, Sveinn Hannesson frá Elivog-
um, bjó um tveggja áratuga skeið.
Síðast bjó Sveinn á Refsstöðum, ná-
lægt miðjum dal. Þegar komið er upp
úr skarðinu, sem ber nafn af bænum
Strjúgi eða Strjúgsstöðum í Langadal
(Strjúgsskarð) blasa Refsstaðir við
sjónum ferðamannsins, austan ár. Þar
var síðast búið 1945. Eigandi jarðar-
innar nú er sonur Sveins, Auðunn
Bragi, skólastjóri í Borgarfirði eystra.
Sveinn Hannesson fæddist í Mó-
bergsseli í Vatnsskarði, hinn 3. apríl
1889. Voru foreldrar hans Hannes
Kristjánsson og Þóra Kristín Jóns-
dóttir. Var Þóra hagmælt vel. Þarf
ekki annað en að minna á visu henn-
ar, sem hún orti til Sveins, sonar síns:
Gættu þess að guð er einn, o.s.frv., og
margir kunna.
Nýlega festi sonarsonur Sveins frá
Elivogum, Sveinn Auðunsson, á blað
nokkrar stökur, sem víkja að dvöl
Sveins á Laxárdal, svo og að uppruna
hans. Munu vísurnar ekki þarfnast
frekari skýringar.
I.
Tápmiklir, með troðinn mal
töltu ungir gumar.
Lagt var upp úr Langadal;
liðið var á sumar.
Stefnu tóku Strjúgsskarð á,
stigu létt á foldu.
Hæstum vildu hjalla ná,
halir meir vart þoldu.
Efldist fjör og andans glóð.
Enn á ný með malinn
haldið grýtta götuslóð
gátu —inn í dalinn.
Síðla finna sumars má
safann hátt hjá snösum.
Kroppar tíðum kjarngóð strá
kind í efstu grösum.
II.
Laxárdalur, loks ég þig
leit í fyrsta sinni.
Hljóð þín fegurð heillar mig;
hún er glöggt í minni.
158 Heima er bezl