Æskan - 01.10.1975, Page 54

Það er mun erfiðara fyrir ökumann að
stöðva bifreiðina þegar ,hált er, hemlunar-
vegalengdin getur orðið allt að helmingi
lengri. Þetta verðum við að hafa hugfast,
þegar við ætlum yfir akbraut, sem er hál
vegna bleytu, ísingar eða snjókomu. Við
eigum einnig erfiðara með að ganga röskiega
yfir ef hált er.
Þegar við förum út úr strætisvagni, skulum
við alltaf biða á gangstéttinni þar til
vagninn hefur ekið brott. Þá fyrst g'etum
við fullvissað okkur um,‘ að við getum
hindrunarlaust gengið yfir.
Úti á þjóðvegunum aka bifreiðarnar hraðar og
eiga þar af leiðandi erfiðara með að stöðva.
þess vegna verðum við að bíða þangað til við
erum viss um að komast yfir á öruggan hátt.
Þegar við göngum a vegi þar sem engar gang-
stéttar eru, skulum við ávallt ganga ó hægri
vegarbrún, á móti akandi umferð. Þá sjáum
við vel til bifreiða sem á móti koma, en
þær sem koma aftan frá, eru á hinum vegar-
helmingnum þ.e.a.s. fjær okkur.
Börn eiga erfiðara en fullorðnir með að ótta
sig á umferðinni. Þess vegna verðum við,
hinir fullorðnu, að leiðbeina þeim og vernda
þau fyrir þeim hættum sem að steðja.
52