Æskan - 01.01.1981, Blaðsíða 32

FJÖLSKYLDUÞMTUR
í umsjá Kirkjumálanefndar Bandalags kvenna í Reykjavík.
W'
Fjölskyldutengslin treysta ber,
tilgangur þáttarins einkum er.
Biðjum Guð að blessa hann,
og bæta sérhvern landsins mann.
V. E.
Tólf eru synir tímans,
sem tifa framhjá mér
janúar er á undan
með árið í faðmi sér.
Það er ekki svo lítið að hafa heilt ár í faðmi, eins og
janúar hefur ár hvert, okkur til handa er lifum hverju
sinni, eins og skáldið segir í erindinu hér að ofan.
Við lítum misjöfnum augum á þann feng, sem tíminn er
okkur jarðarbúum, nýting hans þarf að vera vel yfirveguð
af sérhverjum manni, en tíminn sem við höfum til ráð-
stöfunar, er aðeins augnablikið sem varir í senn. Okkur
er því mikill vandi á höndum, að gaeta líðandi stundar, og
verja henni til blessunar landi og lýð.
Áramót er eitt af þessum tímamörkum, er sett hafa
verið til að auðvelda mönnum að samræma gjörðir þeirra
og náttúrunnar. Áhrifamestu tímaskipti í veraldlegum
efnum eru eflaust áramótin, margskonar reikningsskil og
uppgjör fara fram í víðtækum skilningi, heitstrengingar
eru gerðar á ýmsum sviðum, og takmörk sett til að
betrumbæta það er betur má fara, það fer svo eftir vilja-
styrk hvers og eins, einnig aðstæðum og umhverfi
hvernig til tekst. Engu að síður er þessi viðleitni mikils-
verð fyrir einstaklinginn er reynir aö bæta sig, hann
kynnist sjálfum sér, og greinir frekar sínar veiku eigindir,
og gefst þá tækifæri til að styrkja veikasta hlekkinn í
sálarlífinu, og verður færari að sigrast á erfiðleikum lífs-
ins.
Þessi eigin sálar og viljakönnun er oft reynd af reyk-
ingamönnum og þeim, sem eiga við áfengisvandamál að
stríða, svo eitthvað sé nefnt af því er erfitt þykir að yfir-
stíga, auðveldasta leiðin í þessum efnum er, að byrja
aldrei á eitrinu, en það er ef til vill einnig erfitt að láta það
ógert.
Skynsemin er besti leiðarvísirinn í þessu sem öðru, og
ætti því að ráða ferðinni, oft er þó eins og það illa og
skaðsama hafi yfirhöndina, því er best að byrja hvert ár
með bæn og bljúgum huga, og þakkargjörð fyrir allt það
góða er við höfum verið aðnjótandi frá skaparans hendi,
allt frá upphafi lífs okkar.
Gleðilegt nýtt ár, ,
V-E'
W' Ti~
TU'i
26