Æskan - 01.04.1984, Side 12

Edda Júlía Helgadóttir 14 ára:
Ég sofna á milli kl. 11 og 12 á
kvöldin. Ég fæ alltaf móðu í augun
þegar ég er orðin þreytt og fer þá
að sofa. Um helgar vaki ég lengur
enda get ég sofið út daginn eftir.
Hallvarður Einar Logason 10
ára:
Ég fer yfirleitt að sofa um ellefu-
leytið. Ég horfi mikið á sjónvarpið
og ef það er lengur vaki ég þar til
það er búið. Stundum á ég ekki gott
meö að sofna ef ég hef horft á mjög
spennandi myndir. Þá fer ég að
hugsa um þær. En þær eru bara
svo skemmtilegar að ég vil ekki
missa af þeim.
Leó Gunnar Ingólfsson 7 ára:
Það er misjafnt. Venjulega sofna
ég kl. 10 ef ég hef ekkert sérstakt
að gera. Ég les oftast áður en ég
sofna eða leik mér. Á virkum dög-
um þarf ég að vakna kl. 8 á morgn-
ana til að fara í pössun.
Rósa Erlingsdóttir 14 ára:
Öll virk kvöld er ég sofnuð fyrir
miðnætti. Um helgar vaki ég leng-
ur. Það fer alveg eftir því hvað ég
hef verið að gera. Stundum er ég
úti til kl. eitt eða tvö á föstudags- og
laugardagsnóttum. Þá er líka hægt
að sofa út daginn eftir.
Maríanna Þorgilsdóttir 10 ára:
Ég fer að sofa á milli kl. 11 og 12-
Það fer stundum eftir sjónvarpinu.
Ég þarf að vakna kl. 7 á morgnana
til að búa mig af stað í skólann. Um
helgar, þegar ég get sofið til hádeg-
is næsta dag, vaki ég lengur.
Sigurður Már Gunnarsson 13
ára:
Ég þarf að vakna í skólann kl. 8 á
morgnana og fer því að sofa um ell'
efuleytið. Ég sofna oft út frá bók-
Jú, ég er svolítið syfjaður á morgn-
ana. Þegar bíómyndirnar eru um
helgar vaki ég lengur og sef svo til
hádegis daginn eftir.
12