Æskan - 01.10.1989, Side 16

Hrognkelsi
°3
hrekkjusvín
■pMSmíi
Framhal/feearts Affir kncKnn QföÍ«e/4A+f..r
Lási er ellefu ára strákur
sem er einn í heimili
með mömmu sinni.
Hann saknar pabba síns
en hann býr á Helluvík.
Þar er líka Árni
hálfbróðir Lása.
Lási er einmana.
Krakkarnir vilja ekki
leika við hann
því að þau segja
að hann sé hrekkjusvín.
Lási raulaði um kvöldið
þegar hann kom heim.
Hann var rjóður í kinnum
og hafði góða matarlyst.
Þegar hann byrjaði
að taka af borðinu
án þess að vera beðinn um það
horfði mamma hans
undrandi á hann.
Hann talaði og talaði
og lýsti fyrir henni
hvernig hann hafði hreinsað
alla tjöruna fyrir Togga.
Á morgun ætluðu ÞEIR
að bika botninn á bátnum.
Svo ætluðu ÞEIR
að gera bæði hitt og þetta.
Nú fóru góðir dagar í hönd.
Skólinn var að vísu
alltaf jafn-leiðinlegur
en Lása fannst það allt í lagi
því að strax og honum lauk
gat hann hlaupið ofan í fjöru
og þar beið Toggi eftir honum
Það var svo ótrúlega gott
að vita af því
að einhver bíði eftir manni.
Og sólin skein dag og nótt.
Lási mundi ekki eftir
svona sólríku vori.
Lási og Toggi voru búnir
að gera bátinn kláran
fyrir grásleppu-vertíðina.
Dag nokkurn fóru þeir
og sóttu netin.
Lási handlék teina og blý,
vissi frá gamalli tíð
að margir strákar
stela teinum og blýi á vorin-
16 Æskaai