Æskan - 01.07.1992, Side 16

Sigurður með
konu sinni,
Debora Ann, og
dótlur, Önnu
Viktoríu. (Mynd:
Hanna-DV)
á því að halda áfram. Mérfinnst mér
hafa gengið ágætlega og vildi vera
áfram á styrkjum, annaðhvort hjá
Afreksmannasjóði eða einhverju fyr-
irtæki sem fengi þá auglýsingu frá
mér. En maður fer ekki í íþróttir til
að græða peninga. Þetta er aðallega
draumur sem maður fórnar sér fyr-
ir að rætist."
ORIÐJI BESTI
SPJÓTKASTARI
HEIMS...
- Árangur á stórmótum?
„Ég var í sjötta sæti á heims-
meistaramótinu í fyrra og í fimmta
sæti á Ólympíuleikunum í ár. Árið
1989 var ég þriðji á stigamótum al-
þjóða frjálsíþróttasambandsins og
valinn í Evrópuúrvalið í heimsþikar-
keppni. Það ár var ég valinn þriðji
besti spjótkastari heims af tímarit-
inu „Track and Field News“.“
- Hvernig var á Ólympíuleik-
unum?
„Mérfannst mjög gaman. Mótið
var vel skipulagt. Á lokahátíðinni
hlupu allir íþróttamennirnir inn á
DRAUMUH SEM MJUHIR
FÓRHIAB SÍR FYfílfí AD RÆTIST
völlinn og dönsuðu saman. Á slík-
um leikum getur fólk frá öllum lönd-
um komið saman og glaðst yfir ein-
hverju öðru en veigum. Þetta var sér-
stök lífsreynsla. Þarna klöppuðu
Serbar og Króatar hvor öðrum.
Þegar fólki af ólíku þjóðerni er att
saman út af trúarskoðunum og
stjórnmálum þá er það góð hugsun
hjá íþróttahreyfingunni að leiða þetta
fólk saman og láta það taka þátt í
keppni þar sem stjórnmál koma ekki
við sögu. Til dæmis voru nokkrir
Bandaríkjamenn og Rússar orðnir
mestu mátar í Barselónu. Sumir hafa
varla önnur tækifæri til að kynnast
fólki frá öðrum löndum vegna stefnu
valdamanna í heimalandi sínu. Ég
tel að slíkir leikar séu nauðsynlegir
sem stökkpallur fyrir þriðja heiminn.
Þarna er hörð barátta í stutta
stund á vellinum en svo takast menn
í hendur að henni lokinni. Það eru
ólíkir þjóðflokkar út um allan heim
og þeir verða að fá að lifa sínu lífi
eins og þeir vilja án afskipta ann-
arra.“
- Hvað voru margir keppendur
í spjótkastinu?
„Við vorum 32. Tveir höfðu ekki
kastað yfir lágmark. Mig minnir að
annar þeirra væri Sádi-arabískur
prins! Þótt þeir hafi ekki beinlínis
unnið sér rétt til að keppa var samt
gott fyrir framtíð þessara landa að
senda fólk á leikana."
-Kynntistu mörgum
á leikunum?
„Aðallega Spánverjunum sem
voru að vinna í sjávarþorpinu þar
sem við vorum. Á þeim mánuði, sem
ég var þarna úti, kynntist ég líka dá-
lítið milli eitt- og tvöhundruð manns.
Það er ótrúlegur fjársjóður að fá
tækifæri til að fara í slíka ferð og
kynnast mörgu fólki af ólíku þjóð-
erni.
Mig rámar í eitt dæmi ...I í sjón-
varpinu sá ég mann keppa í róðri.
Þetta voru fimmtu Ólympíuleikarnir
hans og hann hafði unnið þrjú gull
og eitt silfur. Hann er fertugur. Jæja,
daginn eftir komum við í þorpið þar
sem leikarnir vour haldnir og fórum
O
AMAN AÐ KYK
AST FÓLKIAF
OLÍKU ÞJÓÐERNI
í mötuneytið. Þá sest þessi Ástrali
við sama borð! Ég gat þá ekki hald-
ið aftur af mér og spurði hann hvort
hann keppti í róðri. Við töluðum
saman og kynntumst bara nokkuð
veL Þetta er lítill heimur!"
- Áttu þér eftirlætisíþrótta-
mann?
„Já, marga... alltof marga! Þeg-
ar ég sé íþróttamann sem hefur góða
líkamlega og andlega hæfileika til að
ná langt þá hrífst ég. Það eru marg-
ir íþróttamenn sem ég lít upp til. Sá
síðasti er Jan Zelesny sem varð
Ólympíumeistari núna í spjótkasti.
Ég lít auðvitað mjög upp til hans því
að hann er í minni grein og ég veit
hvað þarf til að ná svo langt. Hann
hefur ótrúlega mikla hæfileika og er
mikill íþróttamaður."
O
FINGIN SKAPAR
MEISTARANN
- Hefurðu einhver ráð fyrir
krakka sem stunda eða langar
til að stunda íþróttir?
„„Æfingin skapar meistarann" og
„Góð íþrótt er gulli betri“. Ég vil segja
krökkum að prófa margt, ekki ákveða
sér bara eina íþróttagrein of
snemma. Ég hef tekið eftir því að
margir „bolta“strákar og -stelpur
flaska á því að vera ekki meira í ein-
staklingsíþróttum - með boltanum.
Þá prófar maður sína eigin hæfileika
betur. Ég vil ráðleggja ungu fólki að
vera í sem flestum íþróttagreinum
og læra sem flest þangað til það er
orðið 17-18 ára og ákveða þá ein-
hverja eina íþrótt til að reyna að ná
langt í.“
- Ætlarðu að halda áfram í
spjótkasti?
„Já, ég býst við því. Ég er enn þá
þokkalega heill, miðað við það að
maður er venjulega með einhverja
kvilla og meiðsli og þess háttar. Mér
finnst mér hafa gengið þokkalega
vel síðustu árin og finnst ég vera í
sífelldri framför og eiga eftir að bæta
mig heilmikið enn. En það er alltaf
spurning um peninga, það að geta
framleytt sér og sínum því að ég á
konu og barn. Það verður eiginlega
að koma í Ijós en ég er bjartsýnn á
framtíðina."
16 Æ S K A N