Æskan - 01.07.1992, Blaðsíða 56

ANDSTÆÐINGUR AFREKANNA
ÁHRIF
ÁFENGIS
Á
LÍKAMANN
1. Heilinn er mjög viðkvæmur og
þarf lítið magn áfengis til að trufla
starfsemi hans og samspil við
taugakerfið.
2. Notkun áfengis veldur dauða
heilafruma. Þær endurnýjast ekki.
3. Skynfæri starfa óeðlilega.
4. Áfengi skemmir frumur hjartans.
Þær endurnýjast ekki.
5. Mikil áfengisneysla getur skemmt
lifur, nýru, maga og mörg önnur
líffæri.
6. Áfengi truflar blóðrásina. Rauðu
blóðkornin límast saman og blóðið
streymir tregar um æðarnar. Það
getur valdið súrefnisskorti í vefjum
Ukamans. Súrefnisskortur er
hættulegur heilanum sem þarfnast
mikils af því.
7. Áfengisneysla á meðgöngu eykur
líkur á fósturláti og að fóstrið
skaðist.
8. Áfengi dregur úr kyngetu og mikil
neysla áfengis getur valdið
ófrjósemi.
9. Likamshiti lækkar og hætta er á
ofkælingu. -
10. Áfengisneysla stuðlar að ýmsum
sjúkdómum og er orsök fjölda slysa.
Úr bæklingnum: Áfengi - andstæðingur afrekanna,
eftir Þórdísi Gísladóttur og Þráin Hafsteinsson.
Útgefandi: Nefnd um átak i áfengisvörnum í samvinnu við íþróttasamband
íslands og Ungmennafélag íslands.
6 0 Æ S K A N