Æskan - 01.03.1994, Qupperneq 59

Pósthólf 523,
121 Reykjavík.
Umsjón:
Sigurborg Sveinbjörnsdóttir
EKKI EINUNCIS
HRIFIN ...
Svar:
Kæra Ung og ástfangin! Þú
óskaðir eftir að bréfið yrði ekki
birt. Ég tek tillit til þess.
Mörg bréf berast Æsku-
vanda um svipuð vandamál og
þú skrifar um. Eftir lýsingu
þinni að dæma tel ég ekki ólík-
legt að J hafi áhuga á þér. Þú
hefur greinilega orðið mjög
hrifin af honum við fyrstu sýn.
Lýsing þín á samskiptum ykk-
ar í skólanum gefur til kynna
að um skot hafi verið að ræða
á báða bóga. Draumarnir stað-
festa hrifningu þína. Að öðru
leyti ræð ég þá ekki enda ekki
sérfræðingur í þeim efnum.
Reyndu að temja þér að missa
ekki nætursvefn þó að þú sért
hrifin af stráknum. Málin eiga
líka eftir að þróast. Sá mögu-
leiki að hittast í skólanum og
taka þátt í félagsstarfi hans
gefur ykkur tækifæri til að
rækta samband ykkar.
Skriftin er skýr og allur frá-
gangur á bréfinu góður. Lík-
lega ertu 13-14 ára. Gangi þér
vel.
VÖXTUR, FEIMNI,
ROE>l - OC SKOT
Kæri Æskuvandi!
Mig sárvantar svör við mörg-
um spurningum en ætla þó að-
eins að spyrja um nokkur atriði.
Annars yrði bréfið margar blað-
síður.
Fyrsta atriðið er það að ég er
hætt að stækka. Ég er rétt um
160 sm og hef einungis stækkað
um einn sentímetra á tveimur
árum. Er einhver möguleiki á því
að ég eigi enn eftir að stækka?
Annað er það að ég er alveg
ferlega feimin. Ég kann best við
að sitja úti í horni og þegja þótt
ég geri það nú sjaldnast. Ég veit
að ég er of feimin en ég get bara
alls ekki breytt því.
Hið þriðja er það að ég er
hrifin af strák. Við horfumst
stundum í augu en ég lít alltaf
undan. Þú segir í svörunum að
maður eigi að reyna að kynnast
betur en ég veit nánast allt um
hann svo að það dugir ekkert.
Hvað getur maður gert til að
hætta að roðna? Ég roðna mjög
auðveldlega, jafnvel fimm sinn-
um á dag. Hvað lestu úr skrift-
inni?
Hvað heldur þú að ég sé
gömul?
Dvergurinn.
Svar:
Það er ekki auðvelt að
svara þér því að upplýsingar í
bréfinu eru ekki nægar. Þú
hefur líka ákveðið hvað ég má
segja og ekki segja við þig ...
Það þarf ekki að tákna að
þú sért hætt að stækka þó að
þú hafir einungis lengst um
einn sm síðastliðin tvö ár.
Stúlkur vaxa allt til 17 ára ald-
urs og strákar lengur. Þú hefur
möguleika á að bæta við þig
nokkrum sentímetrum. En hver
segir að betur færi á að vera
hærri en þetta?!
Þú ræðir líka um feimni.
Hún er mjög algeng og eðlileg
hjá krökkum á þínum aldri.
Feimna stúlkan er hluti af þér
eins og öllum öðrum. Þú verð-
ur að kannast við hana. Þetta
stafar af því að margt nýtt er
að gerast í líkamanum og um-
hverfinu en gengur oftast yfir á
unglingsárunum.
Þriðja málið, sem þú nefnir,
er að þú ert hrifin af strák.
Njóttu þess að vera hrifin af
honum og gefðu þér tíma til að
átta þig á hlutunum.
Ég held að þú eigir að ein-
beita þér að því að vera ánægð
með sjálfa þig, byggja upp
sjálfstraust þitt. Sjálfstraust er
tilfinning sem kemur innan frá
og ef til vill er skortur á því á-
stæðan fyrir því hve oft þú
roðnar.
Ég er ekki leikin í að lesa úr
skrift en bréfið er dálítið fljót-
færnislega skrifað. Ég gæti
trúað að þú værir 13 ára.
Gangi þér vel.
VINÁTTAOCi ÁST
Kæra Sigurborg!
Vandamál mín eru tvö, vinátta
og ást.
( allt sumar var ég í sveit. Ég
er vinsæl en ekki um of. Þegar
ég kom heim voru tvær bestu
vinkonur mínar mikið saman.
Núna vilja þær ekkert vera með
mér (eða bara lítið, sérstaklega
önnur). Ég á fáa góða og trausta
vini. Ég get ekki talað um þetta
við mömmu.
Ég er hrifin af strák sem við
skulum kalla S. Ég þori ekki að
tala við hann. Hann veit að ég er
hrifin af honum. Á ég ekki að tala
við hann, bjóða honum upp á
böllum og vera ekki feimin? Eru
þá ekki meiri líkur á að hann vilji
kynnast mér?
Hvað lestu úr skriftinni?
Ráðlaus, ástfangin og ein-
mana.
Svar:
Þetta svar kemur sjálfsagt
of seint til þín. Eins og ég hef
áður minnst á líður oft langur
tími milli þess að þið skrifið og
svar mitt berist.
Fyrsta málið, sem þú nefnir,
er vinátta eða öllu heldur vina-
leysi. Eins og þú lýsir slitnar
upp úr vinskap við það að þú
ferð í sveit. Spurning er hve
gott slíkt vinasamband var
fyrst svo fór. Vinátta er mjög
mikilvæg, sérstaklega þegar
maður er á unglingsaldir. Hvað
felur vinátta í sér? Að jákvæð-
ar tilfinningar ríki, traust og
einlægni. Hjá vini sínum eða
vinkonu vill maður vera af því
að maður finnur samhljóm við
eigin hugmyndir og finnst
gaman að vera saman.
Talaðu við stelpurnar um
þetta mál. Kannski getið þið
tekið upp þráðinn að nýju. Ef
það tekst ekki getur þú áreið-
anlega myndað tengsl við aðra
krakka.
Þú ert helst til ung til að
vera hrifin af strák. Ég held að
oft blandi börn/unglingar því
saman að vera góðir vinir og
væntumþykjunni sem fylgir því
- og að vera hrifin(n). Þetta eru
náskyldar tilfinningar en ekki
þær sömu. Ef S er í sama
skóla og þú hefur þú tækifæri
til að hitta hann og ræða við
hann og þannig getið þið orðið
vinir.
Að síðustu skrifaðir þú um
mál sem er öllu erfiðara. Ég
legg til að þú ræðir það vel við
mömmu þína og segir henni
hver afstaða þín er. Hún getur
þá hjálpað þér við að útskýra
fyrir pabba þínum hvernig þér
líður. Slík mál sem þessi eru
afar vandmeðfarin og ætti að
fara að með gát.
Skriftin er nokkuð góð hjá
þér. Gangi þér vel.
Góðu vinir!
Enn verð ég að minna
ykkur á að rita fullt nafn
og heimilisfang undir
bréfin - ef þið viljið fá þau
birt. Slikt er eðlileg regla
sem viðast mun í heiðri
höfð. Dulnefni verða að
sjálfsögðu notuð í þætt-
inum.
Kær kveðja,
Sigurborg.
Æ S K A N 5 9