Æskan - 01.04.1994, Blaðsíða 35

HAKEEM OLAJUWON
VARNARMAÐURINN
Miðherjinn Hakeem Olajuwon var
í vor valinn besti varnarleikmaður
NBA-deildarinnar annað árið í röð.
David Robinson, sem hlaut titilinn
1992, fylgdi fast á eftir - einungis
munaði einu stigi (23-22).
Olajuwon hefur leikið með
Houston Rockets frá 1984. Leik-
tímabilið 1985-1986 gekk liðinu
mjög vel og það komst í úrslit í
deildinni en laut í lægra haldi fyrir
Boston Celtics - Larry Bird og fé-
lögum. Næstu ár var gengi þess
síðra. 1990-1991 og 1991-1992 var
„draumurinn" (Hakeem The Dream)
meiddur og missti af 38 leikjum.
Hann varði sumrinu 1992 til æfinga
og um haustið mætti hann tvíefldur
til leiks og tryggði félagi sínu góðan
árangur. Að loknum þeim vetri var
Ijóst að hann bar jafnvel af þeim
bestu. Hvorki Patrick Ewing, Shaq
né David Robinson áttu jafngóðan
leik.
Þessi hávaxni (2.13) og þrekni
(112 kg) 31 árs Nígeríumaður hefur
aldrei verið sakaður um eigingirni í
leik heldur hlotið viðurnefnið „prúði
risinn". Þeir sem safna körfuknatt-
leiksmyndum og biðja um eigin-
handar-áritanir þekkja hann sem
einn hinn alúðlegasta meðal „ofur-
stjarnanna", samvinnuþýðan og þol-
inmóðan. Hann átti ekki lítinn þátt í
að vörn Rockets tókst að halda
mótherjum sínum undir 90 stigum í
25 leikjum í vetur - enda varði hann
samtals 297 skot (að meðaltali 3.71 í
leik (næstflest leikmanna í deildinni)),
tók til jafnaðar 11.9 fráköst (varð
fjórði) og stal knettinum 128 sinnum.
Hann er kominn í þriðja sæti á NBA-
listanum yfir leikmenn sem hafa var-
ið flest skot: yfir 200 á keppnistíma-
bili sl. tíu ár, eða síðan NBA hóf að
taka saman tölulegar upplýsingar.
' Hann var valinn fyrstur af há-
skólastrákunum í úrvalsdeildina
1984 en samferða honum voru
nokkrir af bestu og þekktustu
leikmönnum síðasta áratugar:
Michael Jordan, Charles
Barkley og John Stockton (frá
þeim öllum hefur verið sagt í
Æskunni).
Hann er einn fjögurra leik-
manna sem hafa skorað meira en
10.000 stig, náð yfir 5000 fráköst-
um og oftar en 1000 sinnum stöðv-
að skot, stolið knetti og átt
stoðsendingar. Hinir eru Abdul-
Jabbar, Julius Erwing og Robert
Parish.
Hann hefur skorað yfir tuttugu
stig og náð fleiri en ellefu fráköstum
að meðaltali í leik í níu keppnistíma-
bil - og er einn af sjö leikmönnum í
sögu NBA sem hafa náð að jafnaði
meira en 11 fráköstum fyrstu níu
keppnistímabil sín (skrifað í júlí
1993).
Hann hefur stöðvað skot oftar en
200 sinnum og stolið knetti oftar en
100 sinnum að meðaltali átta keppn-
istímabil í röð. Það er met í úrvals-
deildinni. 1988-1989 stal hann knetti
oftar en 200 sinnum - og stöðvaði
skot oftar en 200 sinnum að vanda.
Það hefur enginn leikmaður NBA
leikið eftir honum.
Þessi stórkostlegi leikmaður, sem
hefur verið með í níu stjörnuleikjum,
hefur sagt að fyrst og fremst beri að
stefna að sigri og leggja áherslu á
árangur liðsheildarinnar. Ef það tak-
ist hljóti einstaklingarnir heiður af.
Æ S K A N 3 S