Muninn - 01.12.1966, Síða 20

PAX VOBISCUM
Þegar ég stend við himins hlið
og heilaga lít þar engla,
ég vona, að Herrann mér leggi lið
og láti þá nöfnum brengla,
því ljót og seinlesin syndaskrá
situr mér fyrir þrifum,
sem ég hef grundvallað jörðu á
með japli og dónaskrifum
um aðfarir þeirra, er okkar mál
uppi á himni dæma,
um þeirra, hofmóð og pjatt og prjál,
og postilluræking slæma
um pilsaveiðar og vergirni,
víngleði heldur drjúga
og sáldoða, hvergi sæmandi
þeims sæluheimana búa.
Og þegar mín hógværa, hnípna sál
um heilaga miskunn biður,
þá glotta þeir bara og glingra skál:
„Góði minn, þú ferð niður“.
J. Bl.
CASANOVA
Ég er borinn Amors sanni sonur.
Ég syng um ást í hreinni vitfirring.
Ég hef elskað allar landsins konur,
en enga þeirra meira en sólarhring.
Vék ég að þeim ástar- ljúfum orðum,
en engin þeirra varð samt konan mín.
Við hverja tilraun hjartað fór úr skorðum,
þær hryggbrutu mig strax við fyrstu sýn.
R. A.
56 MUNINN