Muninn - 01.05.2003, Blaðsíða 85

THE SKRST OF

MUNINN KRUNKRR UTI?
Krunk! Krunk!
Nú eru hrafnar ekki mjög aðlaðandi dýr. Að minnsta kosti finnst mér það ekki. Þetta eru svört kvikindi sem pirra mann
og annan með tilgangslausu gargi og fljúga svo glottandi í burtu á milli þess sem þeir kroppa í hræ af sjálfdauðum
rollum. Þó er einn hrafn sem mér líkar alveg hreint ágætlega við. Þessi hrafn er reyndar svolítið öðruvísi en aðrir
hrafnar að því leytinu til að hann er .is og ég efast um að hann kroppi mikið í dýrahræ.
Muninn.is opnaði þegar ég var í 1. bekk, nánar tiltekið 19. febrúar 2001. Eg man þetta ennþá greinilega, enda
varathöfnin mjög hátíðleg og allirvoru gífurlega spenntiryfir þessum nýja vef, sem að sögn varfyrsta skólablaðið á
netinu í sögunni! Halldór Blöndal sjálfur opnaði vefinn og skutlaði um leið fram vísunni:
Horfir of
heima alla
óravegu
áður ókunna
Oðins fugl,
í eyru krunkar
munarljóð
menntskælinga.
Enn þann dag í dag veit enginn hvað hann var að meina...
Allavega! Muninn.is hefur breyst talsvert á þessum tveimur árum. Hann hefur skipt ótal sinnum um föt, allt eftir þvi
hvað var í tísku á þeim tímanum og virðist loks hafa fundið sér föt við hæfi. Eftir opnun vefsins kom strax í Ijós að
Menntskælingar væru sjúkir í að tjá sig og var gestabókin illa misnotuð í þeim tilgangi. Þar reif fólk nafnlaust kjaft eins
og ég veit ekki hvað og að lokum vartekið upp á því að búa til spjall, þar sem nemendur "logguðu" sig inn á eigin
“júserneimi" og tjáðu sig þar. Þetta sló í gegn og hefur spjallið verið eitt af því helsta sem gestir muninn.is skoða í
dag. Þá má ekki gleyma óteljandi myndum sem bætast inn á vefinn eftir hvern einasta atburð sem haldinn er hér við
skólann, en Ijósmyndurum við vefinn fjölgar dag frá degi, svo enginn er óhultur!
Muninn.is var auðvitað fyrst og fremst komið á laggirnar til að vera fréttamiðill og í því starfi stendur vefurinn sig og
þeir sem að honum koma eins og hetjur! Ef eitthvað gerist í skólanum, á vistinni, í nágrenni skólans eða á einhvern
hátt tengist MA á einhvern máta, alveg sama hvar, kemur frétt af því á muninn.is. Því þið vitið það greyin mín að „allt
sem skiptir máli er á muninn.is" eins og maðurinn sagði. Þannig er það bara.
Svo er auðvitað hellingur í viðbót sem er hægt að finna á þessum fína vef; þarna eru bíógagnrýni, símaskrá yfir alla
nemendur skólans eins og þeir leggja sig, stundartöflur og ég veit ekki hvað og hvað. Þetta litla fikt í Olla, Helga
Hrafni og fleirum hér um árið er orðið stærra en nokkur gat ímyndað sér og það virðist ekki ætla að verða nein
breyting á því. Muninn.is er neflilega eins og snjóbolti; þegar hann er farinn að rúlla er ekkert sem getur stoppað
hann!
Hrafnar eru kannski ekkert svo slæmir... Er ekki bara málið að bæta .is fyrir aftan þá alla og athuga hvort að það
bætir ekki eitthvað?
Með krunkandi kveðjum,
Ævar Þór Benediktsson