Kirkjuritið - 01.04.1936, Blaðsíða 3

Kirkjuritið.
PÁSKASÁLMUR.
(Eftir Grundtvig).
Páskamorgunn sefar sorgir,
sefar sorgir um eilíf ár.
Líf hann oss gefur, ljósskrúði vefur.
ljósskrúði vefur hann dagsins brár.
Páskamorgunn sefar sorgir,
sefar sorgir um eilíf ár.
Kristur lifir, ljós ber yfir,
ljós ber yfir dauðans göng.
Helheimar þagna, himnarnir fagna,
himnarnir fagna í dýrðarsöng.
Kristur lifir, ljós ber yfir,
ljós ber yfir dauðans göng.
Söngvar óma: Sigurhljómar,
sigurhljómar um lausnarann.
Deyja hann skyldi, dauðlegum vildi,
dauðlegum vildi oss líkna hann.
Söngvar óma: Sigurhljómar,
sigurhljómar um lausnarann.
Háskinn eyddur, dauðinn deyddur,
dauðinn eyddur og heljarráð.
Gröf þín er, maður, griðlýstur staður,
griðlýstur staður af herrans náð.
Háskinn eyddur, dauðinn deyddur,
dauðinn eyddur og heljarráð.
Myrkrin gráta, geislar láta,
geislar láta nú engla sjást.
Þungbrýn er moldin — fagnar þó fold
fagnar þó foldin Guðs dýru ást.
Myrkrin gráta, geislar láta,
geislar láta nú engla sjást.