Kirkjuritið - 01.03.1937, Blaðsíða 42

120
Kirkjuritið.
INNLENDAR FRÉTTIR.
SÉRA HÁLFDÁN GUÐJÓNSSON VÍGSLUBISKUP
andaðist á Sauðárkróki 7. þ. m. Hann hafði veikst snögg-
lega af botnlangabólgu og var skorinn upp 27. f. m. Skurð-
uiinn tókst vel, en hjartað þoldi ekki þessa raun. í næsta
hefti Kirkjuritsins mun birtast minningargrein um þenn-
an merka og ágæta mann.
Samkepnisprófið.
Samkepnisprófinu um dósentsembættið við guðfræðisdeildina er
nú lokið.
Keppendurnir fluttu sitt erindið liver báða dagana 5. og (i. marz.
Verkefni í fyrra erindið var valið úr siðfræði: Afstaða kristins
manns til „adiaforcð' (þ. e. þess, sem talið er einu gilda), en liið
siðara úr kennimannlegri guðfræði: Einkaskriftir samkvæmt
evangelisk-lúterskum skilningi.
Dómnefnd kvað svo upp úrskurð sinn 7. marz, og var hann á
þessa leið:
„Dómnefndin lítur einhuga svo á, að séra Björn Magnússon liafi
í ritgjörð sinni og fyrirlestrum gjörl gefnum verkefnum bezt skil
keppendanna og sýnt mikla yfirburði fram yfir hina að vísinda-
legri efnismeðferð, þekkingu og framsetningu. Telur dómnefndin
hann þvi einkar vel hæfan til að takast á hendur kennaraem-
bætti í guðfræði við Háskólann og leggur það til með samhljóða
atkvæðum við guðfræðisdeildina, að hún mæli með þvi, að honum
verði veitt dósentsembættið, sem nú er laust“.
Nýr vígslubiskup fyrir Skálholtsbiskupdæmi.
Hinn 25. f. m. voru talin atkvæði þeirra, sem tekið höfðu ])átt
i kosningu vigslubiskups fyrir Skálholtsbiskupsdæmi í stað prófess-
ors Sigurðar P. Sívertsens. Þátttaka var ekki mikil, kusu aðeins 44
af 74 atkvæðisbærum mönnum. Séra Bjarni Jónsson dómkirkju-
prestur hlaut meira en helming allra greiddra atkvæða, eða 2(i
atkvæði, og er þannig rétt kjörinn vígslubiskup. Önnur atkvæði
dreifðust nokkuð. Kirkjuritið árnar hinum nýkjörna vígslubisk-
upi allra heilla og blessunar. Á. G.