Kirkjuritið - 01.04.1943, Page 3

Kirkjuritið.
Páskasálmur.
Nú hljómi lofsöngslag
frá lífsins hörpu í dag,
því rósin lífsins rauða
er risin upp frá dauða.
Vor lofgjörð linni eigi
á lífsins sigurdegi.
Þann dýrðardag að sjá,
ó, Drottinn, er mín þrá,
því með þér, rósin rauða,
ég rísa vil af dauða
og lifa þínu lífi, —
þin líkn mér breyskum hlífi.
Ég þakka, Jesú, þér,
að þú hefir gefið mér
þá von, sem vetri breytir
í vor, er sæla heitir.
því linni lof mitt eigi
á lífsins sigurdegi.
Burt synd og hjartasorg.
Ég sé Guðs friðarborg,
og lífsins lindir streyma,
þar lífið sjálft á heima.
Því linnir lof mitt eigi
á lífsins sigurdegi.
Bjarni Jónsson.