Kirkjuritið - 01.06.1954, Blaðsíða 22

260
KIRKJURITIÐ
Séra Guðbrandur Björnsson, prœp. hon., sjötugur.
Séra Guðbrandur Björnsson fæddist á Flateyri við önund-
arfjörð 15. júní 1884, en ólst upp að Miklabæ i Blönduhlið,
þar sem faðir hans, séra Björn Jónsson prófastur, var alla sina
embættistíð.
Stúdent varð hann 1904. Fór þá til háskólans í Kaupmanna-
höfn og lauk þar prófi í forspjalls-
vísindum og hebresku, en hætti
námi þar eftir 2 ár og varð kandi-
dat í guðfræði frá Prestaskólanum
1908. Varð hann þá prestur í Við-
vík í Skagafirði og síðast í ná-
grannaprestakalli og sat á Hofs-
ósi. Prófastur var hann hin síðari
árin.
Hann hefir ávallt verið hinn
mesti áhugamaður í starfi sínu og
prestur af heilum hug, sómi sinn-
ar stéttar í öllu starfi og fram-
ferði. Starfaði hann mikið í Guð-
brandsdeild Prestafélags Islands
og öðrum félagsskap presta og þvi,
er hag kirkjunnar varðar.
Kona hans er Anna Sigurðardóttir. Börn þeirra eru fimm,
fjórar dætur og einn sonur.
Séra GuSbrandur Björnsson.
Þórarinn Þórarinsson, skólastjóri, fimmtugur.
Þórarinn Þórarinsson, skólastjóri Eiðaskóla, er fæddur 5.
júní 1904 að Valþjófsstað, sonur séra Þórarins Þórarinssonar
prests þar og konu hans, Þóreyjar Einarsdóttur.
Þórarinn tók stúdentspróf frá Menntaskólanum í Reykjavík
1924 og var einn af hinum mörgu „Viginti quattuor“, er
gengu í guðfræðadeild Háskólans, en þaðan varð hann kandi-
dat 1928. Veturinn 1929—30 var hann erlendis til fram-
haldsnáms í Þýzkalandi og Danmörku. Árið 1930 varð hann
kennari Alþýðuskólans á Eiðum. 1938 var hann skipaður
skólastjóri þess skóla og hefir gegnt því starfi síðan.