Kirkjuritið - 01.06.1954, Blaðsíða 24

Kirkjukórasöngmót í Mýraprófastsdœmi.
Kirkjukórasamband Mýraprófastsdæmis hélt söngmót í
Samkomuhúsi Borgarness sunnudaginn 4. apríl s.l.
Á mótinu sungu 5 kirkjukórar, fyrst hver einstakur kór 3
lög og síðast allir kórarnir sameiginlega 5 lög, og var sá kór
um 110 manns.
Söngstjóri var Halldór Sigurðsson í Borgarnesi, og stjórnaði
hann öllum lögunum á hljómleikunum, en organleikararnir
léku undir til skiptis. — Leikið var oftast undir á tvö orgel-
harmoníum, og lék þá Kjartan Jóhannesson frá Stóra-Núpi
á annað orgelið.
Kjartan hafði ferðazt á vegum Kirkjukórasamhands Islands
um prófastsdæmið og kennt kórunum undir þetta mót.
Organleikarar voru: Stefán Jónsson fyrir Kirkjukór Borgar-
kirkju, frú Guðfinna Jónsdóttir og Þorvaldur Þorkelsson fyrir
Kirkjukór Hjarðarholts- og Norðtungusóknar, Sverrir Gísla-
son fyrir Kirkjukór Hvammskirkju, Guðmundur Jónsson fyrir
Kirkjukór Stafholtskirkju og frú Stefanía Þorbjarnardóttir
fyrir Kirkjukór Borgarness.
Mikið fjölmenni var í Borgarnesi þennan dag í tilefni af
mótinu, kom margt fólk úr nærsveitunum og nokkrir gestir
vestan af Snæfellsnesi og úr Dalasýslu og einnig frá Reykja-
vík.
Veður var hið ákjósanlegasta, bjart og fagurt.
Söngmótið byrjaði stundvíslega kl. 2, með því að prófastur-
inn, séra Bergur Björnsson, flutti ávarp og las upp kveðju-
skeyti frá biskupi landsins. — Einnig kom skeyti frá séra Jóni
Guðjónssyni sóknarpresti á Akranesi.
Síðan hófst söngurinn, sem stóð yfir í 2 tíma. -—■ 1 lok
hljómleikanna flutti söngmálastjóri ávarp, og einnig hélt sókn-
arpresturinn, séra Leó Júlíusson, stutta ræðu.
Á eftir hljómleikunum bauð hreppsnefnd Borgarhrepps upp
á rausnarlegar veitingar og sátu það boð mikið á annað
hundrað manns.