Kirkjuritið - 01.06.1954, Blaðsíða 42
280
KIRKJURITIÐ
Sumarskóli að Löngumýri.
Eins og áður er getið hér í ritinu, mun sumarskóli fyrir
ungar stúlkur taka til starfa að Löngmnýri í Skagafirði 26.
þ. m. og standa í tvo mánuði. Ágætir kennslukraftar hafa
þegar verið tryggðir skólanum, og má vænta þess, að hann
verði vel sóttur. Mynd sú, er hér fylgir, er af Húsmæðra-
skólanum, kennurum og nemendum. Ingibjörg skólast. hefir
reynzt mjög farsæl í starfi sínu, og munu allir, er til þekkja,
bera fyllsta traust til hennar. Hefir skóli hennar getið sér
hinn bezta orðstír á hðnum árum, bæði að því er kennslu
snertir og skólalíf. Á. G.
*
Hátíðleg guðsþjónusta.
Sunnudaginn 11. október 1953 (19. sunnd. e. trt.) var hald-
in hátíðleg guðsþjónusta í Hólaneskirkju á Skagaströnd. Mætt-
ir voru tveir aðkomuprestar, auk sóknarprestsins, séra Péturs
Þ. Ingjaldssonar á Höskuldsstöðum, og voru það þeir séra
Birgir Snæbjörnsson prestur að Æsustöðum í Langadal og
séra Ingimar Ingimarsson prestur á Raufarhöfn. Athöfnin
hófst kl. 2 með því, að organistinn, Páll Jónsson skólastjóri,
lék kóralforspil eftir Bach. Séra Birgir Snæbjörnsson þjónaði
fyrir altari, en séra Pétur Þ. Ingjaldsson las pistil og guð-
spjall. Séra Ingimar Ingimarsson flutti sköruglega og fagra
prédikun. Var texti hans 8. versið í 5. kapítula Mattheusar-
guðspjalls: „Sælir eru hjartahreinir, því að þeir munu Guð
sjá.“ Á eftir prédikun var sunginn sálmurinn Bjargið alda,
borgin mín, en séra Birgir Snæbjörnsson þjónaði fyrir altari.
Norðaustan stormur var og slydda, og þess vegna var ekki
eins góð kirkjusókn eins og annars hefði orðið, ef veður hefði
ekki hamlað, og koma prestanna til Skagastrandar ekki eins
ánægjuleg sem skyldi, sökum þess hve veður var slæmt. Ég
vona, að hinir ungu prestar megi koma sem fyrst til Skaga-
strandar til guðsþjónustu, því að það mun verða þeim til
gleði og oss til blessunar, og er það ósk min, að Skagaströnd
heilsi þeim betur þá en í þetta sinn, og að þá verði fjölmenn
kirkjusókn, því að fjöldi fólks var sáróánægður yfir því að
geta ekki verið við kirkju þennan eftirminnilega messudag.
Guðm. Kr. GuSnason.