Kirkjuritið - 01.06.1954, Blaðsíða 48

286
KIRKJURITIÐ
jarðfræði. Verkfræðingar og jarðfræðingar hafa rannsakað
Biblíuna mjög nákvæmlega, til þess að fá þar upplýsingar um
málma, svo sem járn og kopar og fleiri málmtegundir. Þeir
hafa líka fundið þar bendingar, er leitt gætu til þess, að hægt
verði að finna koparnámur Salómós.
Albert Einstein og trúin.
Albert Einstein er einn af kunnustu vísindamönnum nú-
tímans (f. 1879). Honum farast þannig orð um trúna:
„Ég trúi á persónulegan Guð. Þegar á stúdentsárum mínum
hvarf ég frá þeim skoðunum, sem voru arfur frá árunum um
1880 og flestir vísindamenn aðhylltust. Hugmyndir þeirra
Darwins, Haeckels og Huxleys og ýmissa annarra eru löngu
úreltar.
Flestir sannir vísindamenn eru sammála um, að vísindin
séu ekki neinn óvinur trúarinnar. En þó finnast enn nokkrir
ihaldssamir vísindamenn, sem halda að allt snúist á sama
blettinum og 1880.
Hvað mig snertir, er ég sannfærður um, að án trúarbragða
stæði mannkynið enn á stigi villimennskunnar. Trúin hefir
verið aflið í framþróun mannsandans.“
Lúterskur prestur sendiherra.
Sumir eru þeirrar skoðunar, að prestar eigi að halda sér
utan við opinber afskipti af stjórnmálum eða öðrum störfum,
sem ekki snerta kristindómsmálin sérstaklega.
Þess eru þó mörg dæmi, að prestar hafa unnið gott starf
með afskiptum sínum af stjórnmálum eða alþjóðamálum.
Nýlega skipaði Eisenhower forseti lúterskan prest af norsk-
um ættum, dr. Josep Simonson, til þess að vera sendiherra
Bandaríkjanna í Etiópíu. Hann hafði áður verið starfsmaður
Alþjóðakirkjuráðsins. Ú. J. Þ.
Starfandi trú.
í hinum ægilegu loftárásum Þjóðverja 1940 var borgin
Coventry i Englandi lögð í rústir og þar á meðal forn og fögur
dómkirkja, sem var í borginni. Nú hefir verið hafizt handa
um endurreisn hennar. Sir David Eccles, róðherra opinberra
framkvæmda, hefir gefið leyfi til byggingarinnar þvert ofan