Kirkjuritið - 01.02.1961, Side 17

KIRKJUKITIÐ
63
Kirkjukórar voru alls stofnaðir 203 í embættistíð Sigurðar.
Mjög marga þeirra stofnaði hann sjálfur, en aðstoðarmenn hans
suma. Þurfti hann að ferðast mikið um landið til þess og kenna
söng um lengri eða skemmri tíma á ýmsum stöðum og var alls
staðar aufúsugestur. Var vinnudagurinn oft mjög langur, en
aldrei ,,aktaskrift“ á neinu. Þótti undrum sæta, hve fljótur hann
var til þess að vekja brennandi áhuga og æfa raddirnar til
góðs söngs, enda leit hann svo á, að flestir íslendingar hefðu
góða hæfileika til söngs og sumir afbragðsgóða.
Af þessum kórum voru tveir barnakórar, og gjörði söngmála-
stjóri sér vonir um það, að aðstoðarkórar barna yrðu við sem
flestar kirkjur á landinu á komandi tímum.
Kirkjukórarnir hafa orðið miðstöð söngmenningar hver í
sinni sókn. Þeir hafa ekki aðeins annazt söng við messur og
aðrar kirkjulegar athafnir, heldur efnt til annarra samsöngva
opinberlega, alls 1671 sinni.
Þróun hefur orðið með eðlilegum hætti. Kórarnir hafa mynd-
að sambönd sín í milli. Var* fyrsta kirkjukórasöngmótið haldið
1946, og síðan eru þau alls orðin 56, Loks var stofnað Kirkju-
kórasamband íslannds 23. júní 1951. Var söngmálastjóri aðal-
hvatamaður þess og formaður síðan til æviloka.. Hefur Kirkju-
kórasambandið unnið mjög mikið og margir kennarar ferðazt
á vegum þess og kennt kórum víða um lnad. Á Skálholtshátíð-
inni 1956 annaðist sambandið kórsöng, sungu þar menn úr 22
kirkjukórum.
Annar höfuðþáttur í starfi söngmálastjóra, og þó náskyldur
hinum, var stofnun og starfræksla Söngskóla Þjóðkirkjunnar.
Fyrsti vísir að skólanum var nokkur kennsla söngmálastjóra
að vetrinum í söng og organslætti þeim til handa, sem ætluðu
að verða prestar, söngkennarar eða organleikarar. En skólinn
tekur til starfa í ársbyrjun 1948 og stendur síðan yfir árlega
1. nóv.—1. maí. Voru kenndar. þessar námsgreinar: Söngur,
organleikur, kórstjórn, messusöngur og tónfræði. Kennsla söng-
málastjóra fór fram á heimili hans, stundum allan daginn frá
því kl. 10 á morgnana.
Hann hefur talið saman þá, er notið hafa ókeypis kennslu í
organslætti frá y2 mánaðar námskeiðum allt til 4 vetra, og
eru þeir 223.
Þetta mikla starf var unnið af kærleik og kristilegum og