Kirkjuritið - 01.02.1961, Side 21

KIRKJURITIÐ
67
þinginu. Fyrstu sókn aldamótamanna í þjóðkirkjumálum lauk
nieð glæsilegum sigri. Síðan tók við langur og viðburðalítill
hvíldartími í kirkjumálalöggjöf.
Það er eftirtektarvert, hve hagsýn nefndin reyndist í þessu
löggjafarlandnámi þjóðkirkjunnar mitt í upplausn og hringiðu
hinna mörgu upplausnarstrauma, sem gætti svo mjög um þess-
ar mundir í trúarlífi íslendinga. Nefndin sneri sér fyrst að
bókaskorti presta. Henni var ljóst, hve margháttaðir erfiðleik-
ar biðu prests, sem kominn var frá löngu skólanámi að nýju
brauði, þar sem hann varð að búa við óhentug húsakynni og
margs konar erfiðleika. Hann vantaði bækur, blöð og tímarit,
innlend og erlend, til að fylgjast með stefnum og straumum
samtíðarinnar. Nefndin lagði til, að úr þessu skyldi bæta með
nýju skipulagi — bókasafni prestakalla. Hér var um að ræða
andlega tryggingarlöggjöf fyrir þjóðkirkjuna. Bókasafn presta-
kallanna átti að fylgja brauðinu. Það var miðað við þarfir presta
og áhugasamra safnaðarbarna, sem vildu fylgjast með í kirkju-
legum bókmenntum. Næsti liður var um utanfararstyrk presta,
Þar var gert ráð fyrir, að ríkissjóður skyldi árlega veita nokk-
urt fé á fjárlögum í þessu skyni. Hér var merkileg nýjung. Til-
gangurinn auðsær að tryggja starfsliði þjóðkirkjunnar með
ferðum til útlanda nýjar leiðir til að geta fylgzt í sjón og raun
með kirkjulegum málum 1 öðrum menningarlöndum. Gera mátti
ráð fyrir, að skipulegar utanferðir íslenzku prestanna mundu
leiða nýja og holla strauma frá stærri þjóðum í íslenzku þjóð-
kirkjuna. Hér var um að ræða algera nýjung og fyrsta mark-
verða sporið, sem stigið var í þá átt að gefa ríkiskirkjunni
tækifæri til að mynda sambönd við stallsystur sínar í öðrum
iöndum. Utanfararstyrkur presta hefur verið mikið notaður
einkum hin síðari ár. íslenzkir prestar hafa heimsótt stall-
bræður sína á Norðurlöndum, Þýzkalandi, Englandi og nokkuð
í Ameríku. Lögin um kirkjuráðið var mikil nýjung í stjórnar-
skipun þjóðkirkjunnar. Hér var stigið fyrsta sporið til að gefa
ríkiskirkjunni nokkra félagslega heimastjórn.. Lögin um kirkju-
ráð komu strax til framkvæmda og hafa haft mikla þýðingu.
Biskup landsins, tveir áhrifamenn úr prestastétt og tveir valdir
leikmenn hafa í þrjátíu ár unnið í bróðerni að lausn margra
kirkjulegra vandamála. Kirkjuráðið hefur orðið fyrirmynd að
annarri enn viðameiri kirkjulegri lýðræðisstofnun með sjálf-