Kirkjuritið - 01.02.1961, Blaðsíða 36

82
KIRKJURITIÐ
kirkjuna og innir af höndum margvíslega prestsþjónustu, m. a.
fermingu ungmenna. Árið 1954 var þátttaka í guðsþjónustum
kirkjunnar 4.7%, en það þýðir, að 1800 kirkjugestir taka þátt í
hverri hámessu til jafnaðar. Um 20 kirkjur af 92 í biskups-
dæminu eru þá ónotaðar, enda komast þessir 35 prestar ekki
yfir að flytja hámessur nema í um 70 kirkjum á hverjum
sunnudegi. Þátttaka í guðsþjónustunum hefur færzt í vöxt síð-
an 1954 og aðsókn að kvöldmáltíðarborði kirkjunnar fer vax-
andi. í hverri messu er borin fram fórn til ýmiss konar kirkju-
legs starfs, svo sem kristniboðs, skóla og bókaútgáfu, sem rek-
ið er á vegum sænsku kirkjunnar með frjálsum framlögum
safnaðarfólks. Á hverju ári safnast til jafnaðar um kr. 3.20 á
mann í biskupsdæminu, en íbúar eru um 55 þúsundir, lang-
flestir skráðir meðlimir kirkjunnar. Aðeins 358 hafa sagt sig
úr kirkjunni eða minna en 1%. Starf presta er mikið. Það er
ekki hægt annað en dást að starfi þeirra presta, sem annast einn
eða tvo sunnudagaskóla á hverjum sunnudegi, auk hámesstu í
tveim kirkjum. Börn eru í æ ríkari mæli borin í kirkju til
skírnar og meira en 90% allra ungmenna ganga til fermingar-
undirbúnings hjá prestunum. Áhrif fríkirknanna eru samt meiri
en tala þeirra, sem gengið hafa úr kirkjunni, gefur til kynna.
Flestir fríkirkjumenn halda áfram að vera meðlimir þjóðkirkj-
unnar, þótt þeir eigi sitt andlega heimili annars staðar.
I Gota sögu, sem skrifuð er á 13. öld, er sagt frá komu Ólafs
hins helga Haraldssonar, Noregskonungs, til Gotlands og
kristnitöku eins helzta höfðingja eyjarinnar, sem reisti sér
bænhús í Akrgarn á austurströndinni, þar sem hinn blessaði
konungur tók land. Þar var síðar reist kirkja, helguð Ólafi kon-
ungi. Stóð hún úti í hólma, sem enn í dag er kallaður Sankti
Ólafshólmur, þótt hann sé ekki lengur umflotinn. Sjást enn leif-
ar af fornri kirkju á þessum stað, og þar hefur verið reistur
stór trékross til minningar um landtöku hins heilaga konungs.
Var mikil helgi á Ólafi konungi á Gotlandi i rómversk-kaþólsk-
um sið, og miðstöð dýrkunar hans á norðanverðri eyjunni var í
kirkjunni í Larbro. Þar er stór áttstrend kapella, helguð Ólafi
konungi, í sjálfum turni kirkjunnar, gegnt háaltarinu. Vegna
þessa hlutverks hefur þessi kirkja verið höfð stærri en aðrar
sveitakirkjur. Kórinn er mjög stór, altarisbríkin forn með út-
skomum líkneskjum af Maríu með barnið, af postulum og písl-