Nýjar kvöldvökur - 01.12.1906, Blaðsíða 3

Nýjar kvöldvökur - 01.12.1906, Blaðsíða 3
I, árg. Nýjar kvöldYökur. Akureyri í desember 1906. 1. hefti. Nýjar kvöldvökur, sem út verða gefnar af hlutafélagi á Akureyri, byrja í dag göngu sína út um landið. Útgefendurnir vænta þess að þeim verði víða vel tekið og óvíða úthýst. Nýjar kvöldvökur ætla einu sinni í mánuði að heilsa á heimilum í kaup- stöðum og sjóþorpum, og bjóða gott kvöld á sveitabæjum út með ströndum og fram til dala. Svo er og fyrirætl- un þeirra að bregða sér vestur um haf, og reyna á gestrisni manna í bygð- um og borgum hinnar auðugu heims- álfu. Nýjar kvöldvökur ætla ekki að berast mikið á, en koma fram sem friðsömu og háttprúðu riti sæmir. Þær búast ekki við að verða málafylgjurit eða merkisberi fyrir neina vissa stefnu. Aðalstarfið verður að færa sögur inn á heimilin til lesturs á kvöldin, eftir störf og snúninga dagsins. Við og við vilja þær flytja kvæði; og þáttur um bókmentir verður í flestum heftunum, eitthvað um uppgötvanir og nýjungar, er fram líða stundir. Nýjar kvöldvökur vilja þola rétt- mætar aðfinningar, og taka vingjarn- legum bendingum með þökkum. En eina kröfu gera þær, og hún er sú, að vera eigi taldar óþarfa varningur eða einskis nýtur húsgangur. Fólk vort er sögufólk, og sú bezta hressing og nautn, sem það fær eftir hita og þunga dagsins, er að hlýða á eða lesa sögur. Þetta er hollari hressing en margt annað, sem um hönd er haft, og um leið oft meira fræðandi og mentandi. Og þeir mentunarmolar, sem í sögun- um finnast, gera mikið gagn, af því þær eru víða Iesnar. Af sömu ástæð- um geta þeirra siðferðislegu áhrif orðið töluverð. Nýjar kvöldvökur hafa fengið loforð um aðstoð fimm ritfærra manna á Akureyri, og óska eftir aðstoð enn fleiri. Fyrir vel þýddar sögur og kvæði eru borguð þýðingarritlaun ef tekið er í ritið. Fyrir frumsamdar sögur hærri ritlaun. Peir sem vilja senda sögur og kvæði snúi sér til útsölumanns eða Pórhalls prentara Bjarnarsonar. Útgefendurnir.

x

Nýjar kvöldvökur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Nýjar kvöldvökur
https://timarit.is/publication/511

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.