Sjómannadagsblaðið - 01.06.1976, Side 11

Hrafnista í Hafnarfirði. Vonast er til að taka megi húsið í notkun á næsta ári fyrir 40. sjómannadaginn.
á landi. Þótt þetta hafi mistekist þá
er ég enn sömu trúar, að innbyrðis
jafni skipshöfnin sinn ágreining og
komi fram sameinuð út á við — það
hlýtur að vera sterkast.
Ef áfram á að halda á þeirri braut
að stéttahópar í lykilaðstöðu miði
sig launalega við sambærilegar
stéttir erlendis og þá þar sem kaup-
gjald er hæst, verða þeir hinir sömu
að sækja á þann vinnumarkað. Lífs-
barátta okkar litlu þjóðar leyfir ekki
slíkan munað ef við ætlum að halda
okkar sjálfstæði og fullveldi.
Á aðalfundi sjómannadagsráðs í
apríl s.i. var m.a. samþykkt að efna
til félagsmálanámskeiðs að Hrauni á
hausti komanda. Yrðu aðildarfélög-
unum fyrst og fremst boðin þátttaka
en væntanlega einnig fulltrúum
annarra sjómannafélaga víðs vegar
um land.
Tilvalið væri þá, að nefnd beggja
landssamtakanna, Sjómannasam-
bandsins og Farmanna- og fiski-
mannasambandsins settist niður og
skiptust á skoðunum um möguleika
á nánara samstarfi, og helst sam-
runa.
Til þessa þurfa að veljast þeir
menn, sem eru ekki fyrirfram
ákveðnir í að drepa sérhvern vilja,
möguleika og tækifæri til þess að
koma á nauðsynlegri nýsköpun í fé-
lags- og stéttarmálum sjómanna.
*
Áður hefur í þessu blaði verið
skýrt ítarlega frá nýbyggingu sjó-
mannadagssamtakanna í Hafnar-
firði. Þar er nú lokið við að steypa
upp kjallara og fyrstu hæð og byrjað
á uppslætti annarrar hæðar. Tafir
hafa orðið vegna verkfallsins en þó
sérstaklega vegna stöðugra illviðra.
Samt er enn haldið í þá von að hægt
verði að taka í notkun íbúðir fyrir 84
aldraða á 40 ára afmæli samtakanna
á næsta ári.
í byggingu þessari sem er fyrsti
áfangi af þrem má telja tvennt til
nýlundu hér á landi.
Fyrst er það stærð og frágangur
íbúðanna sem eru eins og tveggja
manna. í þeim er allur sá útbúnaður
sem nú er krafist á einkaheimilum.
Auk þess loftnet fyrir sjónvarp og
útvarp, reykskynjari, innanhússími,
lögn fyrir bæjarsíma og neyðarbjalla
bæði við rúm og á W.C. í hverri íbúð
er sér W.C. með sturtu. Einnig er
eldhús í hverri íbúð. Um allt húsið
og íbúðirnar er hægt að ferðast í
hjólastól.
Annað sem er alger nýlunda hér á
landi er dagheimili fyrir aldraða, en
meginhluti fyrstu hæðar verður fyrir
þá starfsemi. Nokkuð mörg ár eru
liðin síðan að undirritaður ásamt
Guðmundi H. Oddssyni lagði til
við ráðamenn Reykjavíkurborgar að
gera Hafnarbúðir að dagheimili
fyrir aldraða. Öll aðstaða var hin
ákjósanlegasta og hægt að hefja
þessa starfsemi með nokkurra daga
fyrirvara án nokkurra breytinga.
Héfði þetta stórlega minnkað hið
mikla álag og eftirspurn sem nú er á
dvalar- og elliheimili sem starfrækt
eru í borginni. Þessu var því miður
ekki sinnt.
En nú verður þetta gert að veru-
leika. Öll nágrannasveitarfélögin
munu fá þarna þjónustu og við þau
verður haft samráð um stjórnun
dagheimilisins. Samin hafa verið
drög að reglugerð fyrir það og vil ég
ljúka þessum orðum mínum með
formálanum sem birtur var með
SJÓMANNADAGSBLAÐIÐ 3