Sjómannadagsblaðið - 01.06.1976, Page 69

menn verið sæmdir orðu dagsins og
vonandi verður hægt að geta þeirra
lítillega í blaðinu síðar. Síðdegis
hafa konur í kvennadeild slysa-
varnafélagsins selt kaffi og kræsing-
ar og ávallt fengið til sín mikinn
fjölda gesta, en meðan fólkið drekk-
ur kaffi og rabbar saman býður sjó-
mannadagsráð börnum staðarins
ókeypis í bíó eða á knattspyrnu og
handknattleikskeppni og keppa þá
sjómenn gjarnan innbyrðis. Sú tíð
var að mikill fjöldi sjómanna fór
suður á vertíð og kepptu þeir þá
jafnan við þá, sem heima höfðu ver-
ið. Um kvöldið er stiginn dans og
hefur dansleikur sá orðið mjög vin-
sæll og er alltaf fádæma vel sóttur.
Vegna húsnæðisskorts áður, var
hann haldinn við misjöfn skilyrði og
mætti ýmislegt segja frá því, en lát-
um nægja að nefna nokkra staði, þar
sem hann hefur verið haldinn t.d. í
frystihúsi Fiskiðjusambands Húsa-
víkur á hafnarstéttinni, í gamla
sláturhúsi K.Þ. í samkomuhúsinu
gamla og síðar í Hlöðufelli og var þá
dansað í báðum húsunum samtímis.
Arið 1968 réðust sjómenn í það
stórvirki að gera stóra sal Félags-
heimilis Húsavíkur hæfan til sam-
komuhalds og það varð til þess að
framkvæmdir voru teknar upp að
nýju en þær höfðu legið niðri um
sinn. Frá þessum tíma hefur dans-
leikurinn verið haldinn í nýjum og
glæsilegum sölum Félagsheimilisins.
Frá 1942 hefur alltaf verið skipað í
sjómannadagsráð á Húsavík, fyrstu
2 árin af fiskideildinni Garðari en
síðan af Samvinnufélagi útgerðar og
sjómanna.
Sjómannadagsráð er að jafnaði
skipað starfandi sjómönnum frá
Húsavík og skipt er um menn árlega
og hefur þetta fyrirkomulag reynst
mjög vel hér, og þeir, sem skipaðir
hafa verið til starfa hverju sinni,
hafa lagt mikinn metnað í að dag-
urinn verði alltaf sem bestur.
H.Þ. H.A.
Stakkasund.
Frá höfninni (Þvergarðurinn í byggingu).
í naglaboðhlaupi (nokkur hluti fólksins, sem þátt tekur í hátíðahöldunum).
SJÓMANNADAGSBLAÐIÐ 61