Sjómannadagsblaðið - 01.06.1995, Qupperneq 22

„Það eru einkum fiskverðsmálin sem
á okkur brenna núna"
Rætt við Jónas Garðarsson formann Sjómannafélags Reykjavíkur
í tilefni af væntanlegu 80 ára afmæli félagsins
Jónas Garðarsson: „Þar eru karlarnir okkar iðulega að fá um það bil helmingþess sem greitt
er á mörkuðunum. “ (Ljósm. Sjómannadagsblaðið/ Björn Pálsson)
Jónas Garðarson tók við embœtti for-
manns Sjómannafélags Reykjavtkur í
október 1994 af Guðmundi Hall-
varðssyni. Jónas befur langa reynslu af
störfum í félaginu en hann hefur starfað
þar frá árinu 1982 og löngum verið í
stjórn þess, lengst af gjaldkeri. Hann er
afsjómönnum kominn og byrjaði 17 ára
á sjó á farskipum og var lengi á frysti-
skipum. Framan af hafði hann því ekki
mikinn tíma aflögu til þess að sinna
félagsstörfiim, en nú hefur orðið breyting
á. Jónas er 39 ára gamall Reykvíkingur,
og eru foreldar hans Marta Jónasdóttir
og Garðar Bjarnason. Hann er fulltrúi
þeirra ungu manna sem nú eru óðum að
taka við af þeim eldri í forystusveit
verkalýðshreyfingarinnar. Við ratddum
við Jónas um stöðu sjómanna eins og
hún blastir nú við, en spyrjum þó fyrst
hve margir félagar séu í Sjómannafélagi
Reykjavíkur.
„Ég held að virkir félagar séu um 600
manns núna“ segir Jónas. „Félögum
hafði farið fækkandi þar til fyrir
tveimur árum, en þá tók þeim að
fjölga nokkuð á ný og var ástæðan ekki
síst sú að mönnum hefur fjölgað á
þessum stóru frystiskipum sem gerð
eru út héðan frá Reykjavík.
En svo við víkjum að þeim málum
sem helst brenna á okkur í dag, þá er
þar fyrst að telja fiskverðsmálin. Þá á
ég við ísfisk sem skipin landa í eigin
vinnslustöðvar, þannig að vinnslan og
útgerðin eru á sömu hendi. Þar eru
karlarnir okkar á skipunum að fá
svona holt og bolt sem svarar hálfvirði
þess verðs sem gerist á mörkuðunum.
Færi allur ísfiskafli sem veiðist á
markaðina þá mundi verðið að vísu
eitthvað lækka til þess að byrja með,
en það mundi jafnast fyrr en varði. En
ég tel að þetta sé það sem koma skal
þótt útgerðarmenn hafi brugðist við
með öllum tiltækum ráðum til þess að
kom í veg fyrir þetta. Fyrir nokkru
vorum við að ræða við fiskvinnslu sem
á ekki útgerð um að bjóða í afla sem
var að koma til löndunar.“
Krafan er að við fáum hæsta
gangverð
„Eru nú komin upp fjögur eða fimm
dæmi þess að þetta sé gert og á þeim
forsendum höfum við krafist að í
kjarasamningum verði getið um að við
eigum að fá hæsta gangverð - en ekki
eitthvert verð sem vinnslurnar ákveða
einhliða. Fiskmarkaðirinir hafa tekið
þátt í þessu með sjómönnum, en nU
hefur verið komið í veg fyrir það-
Útgerðarmönnum hefur einhvern veg'
inn tekist að loka markaðskerfinu
þannig að ekki er hægt að framkvæma
þetta. En á næstu vikum verðut
dómtekið mál þar sem mun reyna á
hvort sú grein sem við beitum gegU
22
SJÓMANNADAGSBLAÐIP