Ægir - 01.01.1932, Blaðsíða 29

ÆGIR
23
aftur og var hér svo aftur seinni part
ársins.
Alls hafa 17 skip verið sektuð á árinu,
fyrir ólöglegar veiðar, eða ólöglegan um-
búnað veiðarfæra, af þeim eru tvö ísl.
dragnótaskip, hitt eru allt útlendir botn-
vörpungar.
Af þessum 17 skipum, hefur Ægir
tekið 12, óðinn 2, Þór 2 og Hvidbjörnen 1.
Jafnframt fylgir héj viðbótarskrá yfir
nokkur skip, sem sýknuð hafa verið í
Hæstarétti, tvö undanfarandi ár, en þessi
skip hafa áður verið talin í ársskýrslum
minum, yfir sektuð skip, eru það sam-
kvæmt þessari viðbótarskýrslu alls 8 út-
lendir togarar, sem sýknaðir hafa verið
í Hæstarétti, tvö undanfarandi ár. Af
þeim hefur Ægir tekið 6 og fengið þá
dæmda i undirrétti, en óðinn tekið 2.
í skýrslu þessari, eins og undanfarandi
ársskýrslum minum, eru að eins talin
þau skip, sem dæmd hafa verið i undir-
rétti, eða Hæstarétti, en ekki þau skip,
sem varðskipin hafa tekið og sýknuð
hafa verið í undirrétti, eða þau skip, sem
sleppt hefur verið með áminningu.
Tollur á fiski á Ítalíu.
(Frá skrifstofu forsætisráðherra).
Samkvæmt ósk yðar, herra forseti, hef-
ur ráðuneytið, fyrir milligöngu utanríkis-
málaráðuneytisins danska, aflað upplýs-
inga um, hvort innflutningstollurinn á
saltfiski hafi verið hækkaður í Italíu frá
1. þ. m.
Utanríkismálaráðuneytið hefur nú, i
svarskeyti mótteknu i gærkvöldi, skýrt
frá, að sjálfur innflutningstollurinn hafi
ekki verið hækkaður, en aftur á móti hafi
sveitastjórnum á Ítalíu verið veitt heim-
ild til að krefja neyzluskatt af saltfiski,
frá 12—35 líra pr. 100 kg., frá 1. þ. m.,
og að flestar sveitarstjórnir hafi þegar
notfært sér þessa heimild.
Fundargerð
fjórðungsþings fiskideilda
Sunnlendingafjórðungs 1931.
Ár 1931, föstudag 27. nóvember, var
fjórðungsþing Sunnlendingafjórðungs sett
og haldið í Kaupþingssalnum í Eim-
skipafélagshúsinu og hófst kl. 1,30 síðd.
Forseti fjórðungsþingsins, Ólafur B.
Björnsson á Akranesi, setti þingið og
bauð fulltrúana velkomna og beindi því
til þeirra, að á þessum tímum yrðu menn
að taka með festu og alvöru á málun-
um.
Á þinginu vor mættir þessir fulltrúar:
Frá Akranesdeild: ólafur B. Björnsson
og Kristmann Tómasson.
Frá Eyrarbakkadeild: Bjarni Eggertsson
og Jón Helgason.
Frá Keflavíkurdeild: Valdimar Krist-
mundsson og Jóhann Ingvason.
Frá Stokkseyrardeild: Jón Sturlaugsson
og Friðrik Sigurðsson.
Á þinginu gerðist það sem hér segir:
1. Forseti gat þess, að hann mundi
samkv. venju skipa kjörbréfanefnd og
skipaði þá Jóhann Ingvason og Kristm.
Tómasson. í dagskrárnefnd voru kosnir:
ólafur B. Björnsson, Jón Helgason og
Jóh. Ingvasson.
2. Kjörbréfanefnd lagði til að öll kjör-
bréf fulltrúanna yrðu tekin gild, en lét
þess getið, að frá tlestum deildum vant-
aði skilriki fyrir þvi, að þær hefðu greitt
skatt fyrir þetta ár og var fulltrúum fal-
ið að gera grein fyrir því atriði síðar á
þinginu.