Ægir

Árgangur

Ægir - 01.11.1949, Blaðsíða 4

Ægir - 01.11.1949, Blaðsíða 4
246 Æ G I R Jón G. Jónasson: Hrakningur um Breiðafjörá. Enn muna margir mannskaðaveðrið mikla laugardaginn fijrir Pálma árið 1906, þegar þilskipið „Ingvar" fórst á Viðeyjarsundi og „Emilie" og „Sophie Wheatly" i grennd við Mijrar. í þessu sama veðri var litið þit- skip, sem „Sleipnir" hét, að hrekjast um Breiðafjörð. Var ferð hans heitið úr Stykkishólmi i Ólafsvik, og hefði hún ekki þurft að taka nema einn dag, ef allt hefði verið með felldu. En þess i stað hrakti skipið dag eftir dag aftur og fram um Breiðafjörð og komst loks við illan leik i Vesturegjar og þar varð áhófn þess að skilja það eftir mjög illa leikið. Eftir hálfsmánaðar burtveru komst áhöfnin af „Sleipni" aftur í Stykkishólm, án þess að hafa náð til Ólafsvíkur. Jón G. Jónasson, einn af hrakningsmönnunum, se.gir frá hrakningi þcss- um hér á eftir, cn Jóhann Rafnsson hefur fært frásögu hans i letur. — Þess má geta í sambandi við áheitið á Ólafsvíkurkirkju, að Alexander Valentinusson færði Ólafsvíkurkirkju fagra altaristóflu, málaða af Þórarni B. Þorlákssyni, en rammann hafði hann smiðað sjálfur. Alexandcr hefur ritað um sjóhrakning þenna, og er frásögn hans m. a. i hinni nýju bók „Brim og Boðar". En frásögn Jóns er á alla lund fyllri og ítarlegri. Á þeim árum, er þeir atburðir gerðust, sem hér greinir frá, rak Einar Markússon þilskipaútgerð og verzlun í Ólafsvík. Skip sín hafði hann í vetrarlægi, ýmist inni í Grundarfirði eða Stykkishólmi. Veturinn 1905—'06 voru fjögur skip Einars hrófuð upp í Stykkishólmi, utan Grunnasunds, í Leyni og Skipavik. Hétu skip þessi „Den Lille", „Clarine", „Matthildur" og „Sleipnir". Töluverð viðgerð fór fram á skipunum fyrir vorið, auk þess sem í tvö þeirra, „Clarine" og „Den Lille", voru settar vélar, líklega fyrstu hjálparvélar, sem settar voru i þilskip við Breiðafjörð. Viðgerð á skip- unura annaðist Alexander Valentínusson, smiður frá Ólafsvík, og hafði hann sér til aðstoðar tvo lærlinga sína, þá Guðgeir Ög- mundsson og Magnús Benediktsson, auk þriðja manns, Magnús Guðbrandsson, alla húsetta í Ólafsvík. Skipin urðu siðbúin nezna Sleipnir, sem lá til byrjar síðari hluta marzmánaðar. Hannes Andrésson skip- stjóri hugðist sigla honum til Ólafsvíkur, þar sem skipshöfn, vistir og útgerð öll skyldi tekin. Frá Ólafsvík voru Hannesi sendir tveir háseta sinna, þeir Friðgeir Friðriksson og Guðmundur Björnsson. Komu þeir á fjögra manna fari og skyldi það vera skipsbátur Sleipnis til Ólafsvík- ur. Með báti þessum tók sér far til Stykkis- hólms, unglingsstúlka að nafni Kristján- sína Kristjánsdóttir. Var hún í kynnisferð til fósturforeldra sinna, en heim aftur ætl- aði hún með „Sleipni". Laugardaginn 31. marz að afliðnu há- degi lagði Sleipnir frá Þembu, þar sem hann hafði legið í legufærum frá því að hann var tekinn úr hrófi. Skipshöfnin var fjórir menn, skipstjórinn Hannes Andrésson og þrír hásetar, þeir tveir, sem áður eru nefndir og mágur Hannesar, Jón G. Jónas- son, sem einnig skyldi annast matreiðslu

x

Ægir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ægir
https://timarit.is/publication/584

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.