Ægir - 01.12.1982, Qupperneq 22

viku veitti síminn, í síðasta sinn, frest til greiðslu
símareikninga, ella verður síma stofnunarinnar
lokað endanlega i þessari viku.
Nú er unnið kappsamlega að því, í samráði við
fjárveitingarnefnd og Fjárlaga- og hagsýslustofn-
un að finna lausn á þessum vanda, og er þess fast-
lega vænst, að úr rætist.
Ég hefi hér að framan gert nokkra grein fyrir
heildarverkefnum Siglingamálastofnunar ríkisins,
sem flest varða aukið öryggi íslenskra sjófarenda.
Ekki þarf að taka það fram í þessum hópi, að
besta björgunartœkið er öruggt skip undir stjórn
ábyrgs skipstjórnarmanns. Hinsvegar er það jafn
sjálfsagt, að björgunarbúnaður hvers skips, sé eins
traustur og fullkominn og nokkur kostur er.
Ég vil því nefna hér nokkur slík verkefni, sem
Siglingamálastofnunin hefur unnið að á undan-
förnum árum og önnur, sem nú eru í vinnslu eða í
bígerð.
Á grundvelli tilrauna með sjóhæfni gúmmí-
björgunarbáta, sem Siglingamálastofnunin gekkst
fyrir á hafi úti veturna 1980 og 1981, voru, að
kröfu stofnunarinnar, gerðar verulegar breytingar
og endurbætur á gúmmíbjörgunarbátunum, og á
rekakkeri þeirra. Frá þessum tilraunum og niður-
stöðum þeirra, hefir verið skýrt nánar í ritinu
SIGLINGAMÁL nr. 12 og 13, sem þið munuð
flestir hafa fengið, en nokkur eintök eru hér til
fyrir þá, sem þess óska.
Samtímis þessum tilraunum var unnið að gerð
nýrrar kvikmyndar um notkun gúmmíbjörgunar-
báta, sem ég mun sýna ykkur hér á eftir.
Þessi kvikmynd var gerð sem kennslumynd fyrir
íslenska sjómenn, og telur stofnunin, að fræðsla
með þessum hætti sé mjög áhrifarík. Má í því
sambandi nefna, að tvö ungmenni, sem björguðust
úr sjávarháska s.l. sumar, þegar bátur, sem þau
voru á fórst, skýrðu frá því, að þessi kvikmynd,
sem þau höfðu séð s.l. vetur, þegar hún var sýnd í
sjónvarpinu, hefði verið þeim til mikillar leiðbein-
ingar.
Meðal annars, vegna þess hve stofnunin telur
slikar fræðslumyndir mikils virði, boðaði hún til
fundar í byrjun mars 1982 hina ýmsu hagsmunaað-
ila um öryggismál sjómanna.
Hugmynd um dreifingu fræðslumyndaefnis um
öryggismál hlaut strax góðar undirtektir hjá öllum
hagsmunaaðilum. Var ákveðið að setja á fót sér-
staka samstarfsnefnd fimm manna, er hefði með
höndum könnun á framboði á kvikmyndaefni og
mat á kostnaði við að koma upp slíkri aðstöðu. Er
skemmst frá því að segja, að samstarfsnefnd þessi
hefur unnið mikið starf og er nú jafnvel fyrirsjáan-
legt, að kvikmyndaefni verði tilbúið til notkunar
um borð í skipum, svo og annars staðar, þar sem
henta þykir, innan 2—3 mánaða.
Eftirtaldir aðilar standa að starfsemi nefndar-
innar, og hafa fulltrúar þeirra allra átt þátt í því að
velja það myndefni, sem nú hefur verið keypt til
nota erlendis frá:
Eimskipafélag íslands,
Farmanna- og Fiskimannasamband íslands,
Hafskip h.f.,
íslensku tryggingarfélögin,
Landhelgisgæslan,
Landssamband ísl. útvegsmanna,
Siglingamálastofnun ríkisins,
Sjómannasamband íslands,
Sjóslysanefnd,
Skipadeild Samb. ísl. samvinnufélaga,
Slysavarnafélag íslands,
Stýrimannaskólinn í Reykjavík og
Vélskóli íslands.
Reiknað er með því, að myndefni það, sem um
ræðir, verði notað aðallega með eftirtöldum hætti:
1) í beinum tengslum og til stuðnings við al-
menna kennslu í sjómannaskólunum, Stýri-
mannaskólanum og Vélskólanum.
2) Á sérstökum endurmenntunarnámskeiðum
fyrir starfandi sjómenn við sjómannaskól-
ana.
3) í samkomusölum úti um land, á fundum
starfsmanna Slysavarnafélags íslands og
Siglingamálastofnunar ríkisins, með sjó-
mönnum, björgunarsveitum og slysavarna-
fólki, en slíkir fundir eru nú haldnir til þess
m.a. að leiðbeina og kynna notkun björg-
unar- og öryggistækja.
4) Um borð í íslenskum skipum, þar sem boðin
yrðu efnin á myndböndum (video-spólum),
en notkun þeirra fer nú mjög vaxandi í
íslenskum skipum.
Að ósk hinna fjölmörgu hagsmunaaðila, hefur
siglingamálastjóri fallist á, að vistun og dreifing
myndefnis þessa verði í höndum Siglingamála-
stofnunar. Þetta er nefnt hér til þess að sýna fram
á, að með sameiginlegu átaki okkar allra, sem
630 — ÆGIR