Ægir - 01.04.1984, Blaðsíða 18
Aðalsteinn Sigurðsson:
Dragnótaveiðar í Faxaflóa
1983
Á dragnótavertíðinni í Faxaflóa 15. júlí til 15. nóv-
ember 1983 fengu 7 bátar leyfi til veiðanna. Aflinn var
unninn í fjórum vinnslustöðvum.
Handhafar veiðileyfanna urðu, eins og að undan-
förnu, að uppfylla ýmis skilyrði. Par á meðal mátti
bolfiskur ekki fara yfir 15% af afla hverrar viku og
möskvastærð í belg og poka dragnótanna mátti ekki
vera undir 155 mm. Veiðisvæðið var stækkað þannig
að norðaustanverður flóinn frá Hjörsey norður í Haf-
ursfjörð var opnaður. Þangað var þó fremur lítið sótt
(1. tafla) og róðrar þar urðu ekki nema 21 og skar-
kolaflinn tæpar 70 smálestir og annar afli um 4 smá-
lestir. Skarkolinn reyndist stærri þar en sunnar í
flóanum. Búast má við, að meira verði sótt á þetta
svæði þegar skipstjórarnir kynnast því betur.
Hafrannsóknastofnunin lét fylgjast með veiðunum
eftir því sem þurfa þótti, en þar að auki fylgdist sjáv-
arútvegsráðuneytið daglega með lönduðum afla og
gerði ólöglegan afla upptækan.
Á 2. töflu má sjá hvernig aflinn skiptist á milli fisk-
tegunda og mánaða. Þar má einnig sjá meðalafla á tog
og í róðri. Yfirleitt var afli miðaður við fyrirhöfn
mestur í byrjun vertíðar, en fór minnkandi eftir því
sem á hana leið. Hvað skarkolann varðar stafar þetta
að einhverju leyti af því, að kynþroska hluti stofnsins
byrjar að ganga í átt að hrygningarstöðvum ekki síðar
en í október. Undir lok vertíðar jókst það, sem í töfl-
unni er kallað annar fiskur. Ástæðan er sú, að þá var
sandkoli unninn í Sjöstjörnunni í Ytri-Njarðvík og
var hann því hirtur á þeim bátum, sem þar lögðu upp.
Annar fiskur, sem skráður er í töflunni í október og
nóvember er því sandkoli. Vel er, ef hægt er að nýta
sandkolann, því að undanförnu hefir hann einungis
keppt við nytjafiska um fæðu. Á 1. mynd og 2. töflu
má sjá, að yfirgnæfandi meirihluti dragnótaaflans úr
Faxaflóa 1983 var skarkoli eins og til var ætlast. Afl-
inn skiptist þannig að 84,4% var skarkoli, 3,3% lúða,
3,1% ýsa, 7,9% þorskur, 0,3% steinbítur, 0,9%
sandkoli og 0,1% skötuselur ogskata. Talsvert veidd-
ist af tindabikkju og sandkola, sem hvorki var hirt ne
tíundað.
Eins og sjá má á 2. töflu og 2. mynd þá veiddist
nokkru meira af ýsu og þorski í júlí og nóvember en
leyfilegt var, en þrátt fyrir það var heildaraflinn af
þessum tegundum ekki nema 145 smál. af þorski og
57 smál. af ýsu, sem er aðeins örlítið brot af heildar-
afla af þessum tegundum hér við land á árinu og hefú
því litla þýðingu fyrir afkomu stofnanna.
Á 3. mynd og á 2. töflu má sjá hvernig afli í róðn
skiptist á milli tegunda og eftir mánuðum.
/. mynd. Hlutfallsleg skipdng dragnótaaflans úr Faxafló“
1983 á milli tegunda.
186-ÆGlR