Tímarit lögfræðinga - 01.01.1967, Side 65

Spurningu hins háa ráðuneytis um hverjar ég telji or-
sakir fyrir drætti á meðferð dómsmála og tillögur þar að
lútandi, levfi ég mér að svara svo: Skortur á starfsliði og
aðstöðu er aðalorsökin að því er ég tel. Hér vinna 2 full-
trúar að dómsmálum auk min, en hlutur minn minnkar
með hverju ári eftir því sem umsvif við stjórn embættis-
ins aukast. Annar fulltrúa þessara sinnir opinberum mál-
um eingöngu og fógetamálum að hluta. Hinn fulltrúinn
fer með mestan hluta einkamála ásamt öllum þinglýsing-
um í þessum 8000 manna hæ, sem hefur flestar fasteigna-
þinglýsingar allra umdæma að tiltölu. Ég tel, að við svo
húið megi ekki standa ef ekki á að vera hætta á, að með-
ferð dómsmála hér lendi í hreinum ógöngum.
Nokkuð ber á, að gagnaöflun dragist hjá lögmönnum,
en eins og skýrslan ber með sér er það ekki svo að orð
sé á gerandi hér. E. t. v. væri eðlilegt, að dómarar gætu
haft meiri áhrif á hraða lögmanna við gagnaöflun en nú
er, en tæplega sýnist mér að dómarar gætu beitt neinum
refsivendi við lögmenn á meðan svo mjög stendur upp
á dómstóla hvað hraða snertir eftir að gagnaöflun lýkur,
sem vera mun hér á landi, i^æði í þessu embætti og ann-
ars staðar.
Saksóknari ríkisins.
Úr hréfi Valdimars Stefánssonar saksóknara, dags. 18.
ágúst 1964:
Ég geri ráð fyrir, að þessi beiðni ráðuneytisins takmark-
ist við opinber mál, þar sem önnur dómsmál eru eigi i
verkahring þessa embættis, og miðast svar mitt við, að
svo sé.
Það fer vissulega mjög eftir eðli hvers máls, hve langan
tíma það tekur að ljúka því. Yfirgnæfandi fjöldi mála er
þannig vaxinn, að þcim ætti að mega ljúka á skömmum
tíma samkvæmt núgildandi réttarfarslögum, ef dómstólar
og löggæzla landsins hefðu nægu starfsliði á að skipa og
sá dugnaðarandi er ])að ríkjandi, sem í öllum störfum er
nauðsvnlegur til þess að þau komist áfram.
ö9
Timarit lögfrœðinya