Tímarit lögfræðinga - 01.01.1972, Síða 38

Fyrir skömmu var samþykkt reglugerð fyrir rannsókna-
stofnun um fjölskyldurétt og fj ölskyldumálefni við laga-
deild Háskóla Islands. I 2. gr. reglugerðarinnar eru svo-
hljóðandi ákvæði um hlutverk stofnunar þessarar:
„Hlutverk stofnunarinnar er að annast grundvallar-
rannsóknir um fjölskyldurétt og fjölskyldumálefni. Við
rannsóknir i fjölskyldurétti skal lögð sérstök áherzla á
samanburðarlögfræði. Rannsóknir um fjölskyldumálefni
skulu taka til félagslegra efna, er varða fjölskyldu, þótt
utan vébanda fjölskylduréttar sé, svo sem almannatrygg-
ingalöggjöf og löggjöf um félagslegar stofnanir, er tengj-
ast fjölskyldum, svo og barnaheimili. Rannsóknarverkefni
á sviði erfðaréttar og persónuréttar heyra enn fremur
undir stofnunina.
Rannsóknarstarfsemin fer fram í samvinnu við aðrar
rannsóknastofnanir innan lagadeildar og við aðrar rann-
sóknir á þessu sviði í Háskólanum.
Stofnunin skal gangast fyrir ráðstefnum, umræðufund-
um, námskeiðum og kynningum á efnum, er varða fræða-
svið hennar“.
4. Próf.
I janúar 1972 luku tveir stúdentar embættisprófi i lög-
fræði, þær Erla Jónsdóttir og Sigurveig Hanna Eiríks-
dóttir. Á sama tíma luku þrír stúdentar fyrrihlutaprófi
skv. eldri reglugerð. Til prófa vorið 1972 hafa innritazt
27 stúdentar til fyrrihlutaprófs skv. eldri reglugerð og 16
stúdentar til lokaprófs skv. sömu reglugerð. Þá eru skráðir
samtals 76 stúdentar til ýmissa prófa skv. yngri reglugerð.
Nýir hæstaréttarlögmenn.
Brandur Brynjólfsson 31. desember 1971.
Hákon Ámason 14. marz 1972.
Sigurður Gizurarson 14. marz 1972.
36
Tímarit lögfræðinga