Tímarit lögfræðinga - 01.12.1980, Blaðsíða 12
Hér á eftir verður fjallað um ákvæði norsku og sænsku skaðabóta
laganna um skaðabætur fyrir líkamstjón, en með orðinu líkamstjón
er bæði átt við líftjón og líkamsspjöll, sem eigi leiða til dauða. Þessar
reglur um líkamstjón var ekki að finna í upphaflegu lögunum frá
1969 (Noregur) og 1972 (Svíþjóð). Þær komu ekki til sögunnar fyrr
en með breytingarlögum, sem sett voru 3-4 árum síðar og tóku gildi
1. janúar 1974 (í Noregi) og 1. janúar 1976 (í Svíþjóð). Norsku regl-
unum var breytt lítillega með lögum nr. 1 13. febr. 1976. Um aðdrag-
anda lagabreytinganna er rætt á bls. 171 í fyrrnefndri tímaritsgrein.
1. NORSKU LÖGIN
1.1. Yfirlit
Reglurnar um efni það, sem hér ræðir, eru í 3. kafla norsku skaða-
bótalaganna nr. 26 frá 13. júní 1969, eins og hann er eftir breytingu
með lögum nr. 26 frá 25. maí 1973. Auk þess eru í 3. kafla fyrirmæli
um skaðabætur fyrir ýmis refsiverð brot gegn persónu manna, æru-
meiðingar og brot gegn friðhelgi einkalífs, sem ekki verður fjallað um
hér. Þá er í kaflanum heimild til að lækka skaðabætur fyrir líkams-
tjón eftir sanngirnissjónarmiðum, en um hana er lauslega rætt í
Tímariti lögfræðinga 1977, bls. 177. Kaflinn skiptist í 10 greinar, sem
tölusettar eru frá 3-1 til 3-10.
1.2. Bætur fyrir líkamsspjöll, sem ekki leiða til dauða
I 3-1 gr. segir að bæta skuli tjón, sem þegar er orðið, tekjutap í
í grein þeirri, sem hér er birt, skýrir Arnljótur
Björnsson prófessor nýlegar reglur í Noregi og
Svíþjóð um bætur vegna líkamstjóns. Með
þeim hefur verið lögfest, að byggt skuli á fjár-
hagslegu en ekki læknisfræðilegu örorkumati.
Eins og kunnugt er styðjast íslenskir dómstólar
við læknisfræðileg möt, en það hefur sætt gagn-
rýni. — í grein sinni segir Arnljótur einnig frá
hinum sænsku reglum um ákvörðun bóta í formi
lífeyris og víkur stuttlega að þróun þessara
mála í Danmörku.
206