Tímarit lögfræðinga - 20.12.1992, Blaðsíða 3

TÍMARIT § §
LÖGFRÆÐINGA
4. HEFTI 42. ÁRGANGUR DESEMBER 1992
HREPPAR OG HREPPSTJÓRAR
í september 1991 kom fram skýrsla nefndar um skiptingu landsins í sveitarfé-
lög með tillögum, annarsvegar um 60-70 og hinsvegar 25 sveitarfélög. Þann 1.
júlí sl. tóku lög nr. 92 1989 um aðskilnað dómsvalds og umboðsvalds í héraði
gildi með ákvæðum um skiptingu landsins í 26 sýslur til umboðsstjórnar.
Samkvæmt 1. gr. laga 32 1965, sbr. 1. gr. laga 50 1989, skal vera hreppstjóri í
hverju sveitarfélagi utan aðseturs sýslumanns, nema sýslumaður telji þess ekki
þörf. Rétt er að vekja athygli á því að þessi regla á jafnt við um hreppa, bæi og
kaupstaði. Árið 1965 hafði þegar komið fram sú hugmynd í nefndinni sem samdi
frumvarp að lögunum að leggja mætti embættin niður, en ekki var horfið að því
ráði að sinni. Þegar frumvarp til fjárlaga fyrir árið 1993 (þsk. 109 1992) var lagt
fram brá svo við að ekki var gert ráð fyrir neinum fjárveitingum til hreppstjóra
en miðað við að verkefni þeirra flyttust til sýslumanna.
Þann 2. nóvember sl. ritaði sýslumaður ísfirðinga fjárlaganefnd Alþingis bréf
þar sem hann mælir gegn þessum áformum en bendir á að hreppstjórum mætti
fækka, t.d. úr 10 í 4 í ísafjarðarsýslu, að afnám hreppstjóra gæti samkvæmt
fjárlagafrumvarpinu sparað ríkissjóði u.þ.b. 18,4 milljónir króna en að störfum
sem hreppstjórar sinna, svo sem lögskráningu skipshafna, almennri löggæslu,
störfum að almannavömum og innheimtu opinberra gjalda, yrði að gegna eftir
sem áður. Hreppstjórar hefðu undantekningarlítið reynst vel og sætt sig við lág
laun, kr. 4.893 - 13.350 á mánuði, þannig að ekki væri víst að nokkur
raunverulegur sparnaður yrði af tiltækinu. Áður en lauk var horfið frá áformum
þessum þannig að ráðrúm gefst til að íhuga og ræða hversu vænlegt ráðið er.
233