Tímarit lögfræðinga - 20.12.1992, Page 31

Ef víkjandi lánveitandi fær tryggingu frá öðru fyrirtæki í fyrirtækjasamstæðu
ætti forgangslánveitandi að fá sömu tryggingu. Eins ætti að gera tryggingu
víkjandi lánveitanda víkjandi gagnvart tryggingu forgangslánveitanda. Þar með
nyti sá raunverulegs forgangs fram yfir þann víkjandi.
Ég gæti trúað að í þessari málsgrein fælist svar við fyrirspurninni sem er tilefni
þessarar greinar. Ef víkjandi lánveitandi hefur ríkisábyrgð fyrir láni sínu þá
stenst það svo fremi sem forgangslánveitandi hefur einnig ríkisábyrgð fyrir sínu
láni. Ríkisábyrgð er ekki eins og veð í fasteign sem geta verið misrétthá. Öll
ríkisábyrgð er því jafn góð. En erfitt er að sjá að það geti skaðað forgangslánveit-
andann að ríkisábyrgðin sé jafn góð fyrir víkjandi lánveitandann. Hann heldur
sínum forgangi til greiðslu á undan þeim víkjandi en reyndar mega þeir báðir
vera jafn vissir um að fá sitt greitt. Ef víkjandi lánveitandi hefur hins vegar
ríkisábyrgð fyrir kröfu sinni en forgangslánveitandi ekki þá stenst það ekki. Þá
væri ekki um raunverulegt víkjandi lán að ræða.
7. SAMANBURÐUR Á MISMUNANDI TEGUNDUM VÍKJANDI LÁNA
INNBYRÐIS OG GAGNVART ÖÐRUM LÁNSSAMNINGUM
Samkvæmt a) i og ii í 2. kafla um skilgreiningu hugtaksins er unnt að gera
samninga um víkjandi lánveitingu á tvennan hátt. Annars vegar að víkjandi
lánveitandi taki við því sem honum ber en greiði það til forgangslánveitanda.
Hins vegar að víkjandi lánveitandi fái ekkert upp í kröfu sína fyrr en forgangs-
lánið er að fullu greitt. Það getur skipt verulegu máli hvor tegund víkjandi
samnings er gerð. Hér á eftir fara dæmi um slíkt. Lánin þrjú í dæmunum eru jafn
rétthá að öðru leyti en því að víkjandi lánið víkur fyrir forgangsláninu en ekki
hinu sem kallað er annað lán.
í dæmunum er verðmæti eigna skuldara (þrotamanns) meira en sem nemur
forgangsláni og öðru láni.
Eign skuldara 400 Forgangslán 200
Víkjandi lán 200
annað lán 100
samtals 500
Dæmi 1. Víkjandi lán með þeim skilmálum að ekkert fáist greitt uppí það fyrr en
forgangslán hafi verið greitt að fullu.
261