Ægir - 01.01.1997, Síða 12

það hefur auðvitað markað dálítið
strengdari línu í ýmsum málum en áður
var þegar allir gátu útvegað sér bát og
róið og aflað eins og þá lysti," segir
Benedikt í samtali við Ægi.
Hann segir að þeir Sunnlendingar
hafi talið sig tilheyra þeim hópi sem illa
hafi farið út úr aflamarksúthlutuninni
og eftir mikla baráttu hafi þeir fengið
töluverða uppbót í karfaheimildum.
„Þær voru í sjálfu sér ekki eins mikils
metnar þá eins og er í dag. Þorskafli á
sunnlensku skipunum var eðlilega
minni en t.d. hjá Austfirðingunum og
Vestfjarðaskipin lágu líka í þorskinum
enda var hann á þeirra heimaslóð allt
árið. Með karfanum gátu Sunnlending-
ar rétt sinn hlut og á seinni árum sér-
hæfðu menn sig þar í vinnslu á karfa þó
að karfinn hafi líka alltaf verið vinsæll
fiskur til siglinga."
Þingmenn að fá áhuga
á sjávarútvegi
Á þeim tíma þegar tekist var á um
kvótakerfið og úthlutanir einstakra
byggðarlaga segir Benedikt að baráttan
hafi ekki síst staðiö inni á Fiskiþingum.
Þau hafi vegið talsvert þungt varðandi
ákvarðanatöku stjórnvalda.
„Og sem betur fer var oft tekið tillit
til margra þeirra samþykkta sem komu
frá Fiskiþingunum. í dag er kerfið orðið
fastara í sessi og mun erfiðara að breyta
hlutunum og það veldur því kannski að
Fiskiþing á erfiðara með að koma fram
breytingum."
-Gildir þá ekki á margan hátt það
sama um Alþingi að það fær ekki heldur
komið svo auðveldlega fram breyting-
um á kerfinu?
„Jú, það dettur manni stundum í
hug. Þó finnst mér að alveg á síðustu
misserum hafi áhugi þingmanna vaxið
og þeir vilji skipta sér meira af sjávarút-
veginum en oft áður. Þar held ég að
komi til töluverð óánægja með ýmsar
hliðar á fiskveiðistjórnarlögunum. Aftur
á móti verð ég að segja að þessi auð-
lindaskattsumræða í þinginu minnir
ansi marga á atkvæðasmölun. Það getur
verið mjög vinsælt fyrir þingmenn að
ausa einhverju út í fjölmiölum, eins og i
haust þegar komst í umræðu að kannski
mætti sleppa tekjuskattinum ef auð-
lindaskattur yrði lagður á. Þetta er ekki
góð latína.
Sannleikurinn er sá að þó margt hafi
gengið vel í greininni á undanförnum
árum þá er sjávarútvegurinn alltaf bar-
átta upp á líf og dauða. Hann er undir-
stöðuatvinnugrein þjóðfélagsins og
þjóðin lifir af því að sjávarútvegurinn
gangi sæmilega og ekkert getur styrkt
greinina nema velgengni innan henn-
ar," segir Benedikt.
Ólíkar útvegsaðstæður á íslandi
Eins og áður segir hefur Benedikt setið
mörg Fiskiþing og starfað mikið innan
Fiskifélags íslands. Hann segist hafa haft
mesta ánægju af því í félagsstarfinu að
geta á Fiskiþingum hitt alla innan
greinarinnar, allt frá trillukörlum upp í
stórútgerðarmenn.
„Á Fiskiþingum er meiri blöndun á
hagsmunum en í nokkrum öðrum
félagsskap tengdum sjávarútvegi. Það er
enginn vafi að Fiskiþing er í víðasta
skilningi stærsta hagsmunastofnun
sjávarútvegsins en ef til vill eru til stærri
sérhagsmunasamtök innan greinarinn-
ar. Á Fiskiþingum er reynt að taka tillit
til sem flestra sjónarmiða og afgreiðslu
mála hagað þannig að sjónarmið flestra
fái umfjöllun. Þess vegna eru Fiskiþing-
in með réttu fagþing sjávarútvegsins.
Fyrir utan þetta auðvelda störf á vegum
Fiskifélagsins og á Fiskiþingi kynni milli
manna vítt að af landinu og kenna
þeim að taka tillit til ólíkra hagsmuna
sem alltaf verða. Útvegsaðstæðurnar eru
ólíkar á íslandi og því þurfa menn að
setja sig inn í mismunandi aðstæður
hvers annars," segir Benedikt.
Varðandi þróun á Fiskifélagi íslands
á undanförnum árum segir Benedikt að
hún hafi verið í rétta átt. „Félagið er
stofnun sem á að vera sjálfbær í rekstri,
sinnir nauðsynlegum verkefnum fyrir
stjórnvöld og sjávarútveginn. Ég hef
alltaf gert mér ljósa grein fyrir því að
félagið væri að gera mikið gagn fyrir
greinina og þannig muna það verða í
framtíðinni líka."
Akureyri:
Ráðstefna um
náttúrunýtingu
á Norðurslóðum
Þann 14. febrúar næstkom-
andi verður haldið málþing á
Hótel KEA á Akureyri á vegum
Samvinnunefndar um norður-
málefni og umhverfisráðuneytis-
ins sem ber yfirskriftina „Nátt-
úrunýting á norðurslóðum og
alþjóðlegt umhverfi".
Tilgangurinn með málþinginu
er að stuðla að gagnrýninni um-
ræðu um umhverfismál og sjálf-
bæra nýtingu auðlinda.
Guðmundur Bjarnason, um-
hverfisráðherra, mun á ráðstefn-
unni kynna frumvarp um Stofn-
un Vilhjálms Stefánssonar,
Magnús Jóhannesson, ráðuneyt-
isstjóri í umhverfisráðuneytinu,
og Ingimar Sigurðsson, skrifstofu-
stjóri ráðuneytisins, fjalla um al-
þjóðasamninga, innlendar reglu-
gerðir og verkefni ríkisstofnana.
Þá mun Magnús Magnússon,
forseti Alþjóðaráðs Norðurvís-
inda, fjalla um ráðið og nýtingu
náttúruauðlinda og þeir Davíð
Egilsson, starfsmaður Hollustu-
verndar, og Snorri Baldursson,
framkvæmdastjóri CAFF, kynna
samstarf heimskautaríkja í um-
hverfisvernd.
Stór hluti málþingsins verður
helgaður hvalveiöum við ísland
og munu flytja erindi um það
málefni þau Jóhann Sigur-
jónsson, sendiherra, Bjarni Kr.
Grímsson, fiskimálastjóri, Kristín
Halldórsdóttir, alþingismaður og
Richard E Gutting frá National
Fisheries Institute í Bandaríkjun-
um en hann mun fjalla um hval-
veiðar við ísland og áhrif þeirra á
fyrir viðskipti vestan hafs.
12 ÆGIR