Ægir - 01.01.1997, Page 32

TÆKNI OG ÞJÓNUSTA
Komnir í samstarf og horfa fram á veg. Frá vinstri: Siguröur Jónsson, eigandi Rafhúsa,
Finnur Jónsson, framkvæmdastjóri og Amar Sigurbjörnsson, eigandi Skiparadíós.
Skiparadíó og Rafhús í samstarf:
„Samstarfið breikkar
þjónustuna til muna“
segir Arnar Sigurbjörnsson hjá
Skiparadíó
í desembermánubi keypti Skiparadíó
ehf. í Reykjavík rekstur Rafhúsa en
bæbi þessi fyrirtæki eru þekkt fyrir
þjónustu sína við sjávarútveginn
með sölu á ýmis konar tækjabúnaði
fyrir skip. Arnar Sigurbjörnsson eig-
andi Skiparadíós, segir að verslanirn-
ar verði reknar undir gömlu nöfnun-
um áfram en með samstarfinu náist
fram mikið hagræði með sameigin-
legri verkstæðisþjónustu og sam-
eiginlegu starfsmannahaldi.
„Með Rafhúsum fáum við umboð frá
japanska fyrirtækinu JRC en það fyrir-
tæki er elsta fyrirtæki sinnar tegundar í
heiminum og er með allt frá A til Ö í
rafeindabúnaði fyrir skip, þ.e. fiski-
leitartækjum og siglingatækjum. Tæki
frá þessum framleiðanda voru vel þekkt
hér á árum áður og þóttu góð en hafa
ekki verið á markaðnum í Evrópu fyrr
en núna skömmu fyrir jól. Til viðbótar
eru Rafhús með tæki frá Raytheon sem
er eitt af stærstu fyrirtækjum í heimi en
frá þeim koma siglingatæki fyrir
skemmtibáta og stærri skip. Þess má
líka geta að skýringin á því að JRC var
ekki um langt árabil á markaðnum hér
er sú aö JRC framleiddi allt fyrir
Raytheon en núna eru fyrirtækin að
skilja og JRC að koma aftur inn á
Evrópumarkaö," segir Arnar í samtali
við Ægi.
„Þetta eru þau tvö merki sem við
bætum við okkur meö kaupum á
Rafhúsi og bætast viö þau merki sem
Skiparadíó hefur boðið uppá fram að
þessu. Þetta breikkar línuna hjá okkur
mjög mikið og ég tel mér óhætt að
segja að við séum í stakk búnir að
bjóða alla þjónustu á þessu sviði fyrir
skipin. Hér höfum við m.a. verið með
skrúfubúnað fyrir skip, Wesmar
sónartæki, sjálfstýringar, dýptarmæla,
plottera og neyðarbúnað sem við erum
með umboð fyrir þannig að við erum
að víkka þjónustuna út," segir Arnar.
Uppsveiflan merkjanleg
Arnar segir mikið að gera í skipa-
þjónustunni um þessar mundir.
Skýringin sé sú að eftir niðursveiflu og
erfiöleika í þjóðfélaginu hafi fyrirtæki
verið að rétta úr kútnum.
„Menn hafa sameinað fyrirtæki í
sjávarútveginum eins og allir hafa orð-
ið varir við og þessu fylgir að menn
hafa meiri vilja og meiri getu til að gera
hlutina og gera þá betur en áður. Ég
held að það sem hafi breyst frá fyrri
tíma í skipunum megi best útskýra með
því að í dag fara menn úr skónum áður
en þeir fara inn í brú á nútíma fiski-
skipi. Þar er allt mjög fínt og menn eru
með góð tæki í höndunum til að vinna
með. Skipstjórnarmenn umgangast
tækin líka með allt öðrum hætti en
áður gerðist. Við erum hér að tala um
breytingu á 5-7 árum sem er engu lík.
Menn vita að þeir eru með dýr tæki og
að það borgar sig að vera með góð tæki
en það verður að umgangast þau eins
og ungabörn ef þau eiga að borga sig,"
segir Arnar.
Islendingar tæknivæddir
Leikmönnum sem skoða sig um í
brúm nútíma fiskiskipa kemur fyrst í
hug sú spurning hvort að skipstjórnar-
mönnum takist að fylgja eftir ógnar-
hraða tæknibreytinganna og hvort þeir
kunni í öllum tilfellum til hlýtar á allan
þennan búnað. Amar segir svarið við
þessu vera hið sama og á öðrum
tæknivæddum vinnustöðum. Þeir sem
ekki fylgist með detti út af markaðnum.
„Menn úreldast núna mjög hratt og
eldri menn detta út, svo fremi þeir hafi
ekki þeim mun meiri áhuga á tækjun-
um. Það hefur því orðið í þessari grein
útskipting á mannskap samhliða
tæknibreytingunum. Búnaðurinn til-
heyrir nútímanum, menn vita að það
er gott að hafa tækin og þau gefa arð ef
menn kunna á þau og fara vel meö
þau. Þarna kemur bara fram hluti af
þjóðfélagsbreytingunni í heild. íslend-
ingar hafa til sjós verið manna fremstir
í tækjum og nýta sér þróunina mjög
vel," segir Arnar.
32 ÆGIR