Ægir - 01.04.1998, Blaðsíða 13

SAMLEIÐ MEÐ ÍSLENSKUM SJÁVARÚTVEGI
Pétur Bjarnason segir að afgreiðsla Fiskiþings á nýjum samþykktum fyrir Fiskifélag íslands hafi verið mikilsvert upplegg fyrir nýja
stjóm íþví mótunarstarfi sem nú er haflð fyrir félagið.
Óttast ekki togstreitu
Eftir samdrátt í verkefnum á undan-
förnum árum vonast Pétur til að skref-
ið sem stigið er nú sé upp á við og
framundan sé uppbyggingarstarf hjá
Fiskifélagi íslands. Saga félagsins og
margir glæstir sigrar á öldinni geri að
verkum að félagið njóti stuðnings víða
og velvilja.
„Ég tei að það sé líka mjög mikils-
vert að skapa sjávarútveginum já-
kvæðari mynd í hugum íslendinga
sjálfra. Reyndar held ég að margt hafi
lagst á eitt á síðustu árum til að gera
mynd af sjávarútveginum jákvæðari
og að við séum á réttri leið. Þetta má
samt sem áður bæta enn frekar en ég
treysti mér ekki til að svara því núna
hvort áherslan í starfinu verður meiri
á ímyndaruppbyggingu hér innan
lands eða erlendis. Það fer einfaldlega
allt eftir því um hvaða verkefni næst
samstaða hverju sinni og hvaða fjár-
munum menn eru tilbúnir að verja til
starfsins."
- Óttastu togstreitu milli þeirra aðila
sem nú taka höndum saman um starf
Fiskifélagsins?
„Nei, það geri ég ekki. Gullna regl-
an verður að fara í verkefni sem víð-
tæk sátt verður um að vinna. Það
verður hins vegar ekkert markmið að
útrýma öllum skoðanaágreiningi inn-
an greinarinnar, fjarri því. Nýtt Fiskifé-
lag verður baráttufélag fyrir allan sjáv-
arútveginn en ekki vettvangur þar sem
menn eru í riddaraslag um sérmál sem
aðilar eru að sækja á hendur hver öðr-
um," svarar Pétur.
Fjárhagsmálin mikilvæg
Aðspurður um hvernig starfið verði á
næstu mánuðum segir Pétur of
snemmt að svara því, enda nýkjörin
stjórn Fiskifélagsins að hefja skipulags-
vinnuna eftir að Fiskiþing hefur sam-
þykkt breytingarnar. Pétur segir samt
sem áður ljóst að á Fiskiþingi í haust
verði komnar línur sem gefi tóninn
um starfið á næstu árum.
„Við þurfum að fara yfir allt verk-
efnasviðið og í ljósi þeirrar vinnu
verður starfið innan félagsins skipu-
lagt. Við verðum að ná að fjármagna
starfið og tryggja þann þátt ve! - en
það er ljóst að eftirleiðis vinnur félagið
ekki að öðrum verkefnum en þeim
sem fjármögnun er tryggð fyrir," segir
Pétur Bjarnason, formaður stjórnar
Fiskifélags íslands.
AGÍR 13