Ægir - 01.05.1998, Blaðsíða 25
SAMLEIÐ MEÐ ÍSLENSKUM SJÁVARÚTVEGI
„Kröfur kaupenda hafa leitt til gjör-
byltingar í gæðamálum sjávarútvegs-
ins, jafnt hvað varðar aðbúnað starfs-
stöðva, starfshætti og gæðaeftirlit, sem
og gæðaskráningar. Nú er svo komið
að gæðakerfi er forsenda fyrir starfs-
leyfi fiskvinnslustöðva en það er mis-
jafnt hversu langt fyrirtæki hafa geng-
ið í gæðaátaki. Flest láta sér nægja að
uppfylia sett skilyrði fyrir starfsemi en
sum hver hafa, að eigin frumkvæði,
gengið lengra og jafnvei leitað eftir
vottun á gæðakerfi sínu samkvæmt
ákveðnum stöðlum. Mörg fyrirtæki
virðast líta á þessar kröfur kaupenda
um gæði afurða, rekjanleika þeirra og
að unnið sé eftir fyrirfram settum regl-
um að framleiðslunni, sem ógnun sem
þurfi að bregðast við. Mér virðist sem
einungis fá fyrirtæki hafi skynjað að
nýta mætti gott gæðakerfi sem vopn í
vaxandi samkeppni í markaðssetningu
afurða."
„Ég held því hiklaust fratn að eigi okkur
að takast að viðltalda, byggja upp og nýta
þann mannauð sem býr innan sjávarút-
vegs þá þarf að nást gott samstarf milli
fyrirtœkja í sjávarútvegi, menntastofnana
og hagsmunasamtaka launafólks," segir
Gunnlaugur.
Nauðsynlegt að gera kröfur
um sérmenntun í fiskvinnslu
Gunnlaugur hvetur til þess að farið
verði að líta á almenn fiskvinnslustörf
á þann hátt að gera kröfur um sér-
menntun. Samanburður við aðrar
greinar í atvinnulífinu skilji óneitan-
lega eftir áleitnar spurningar um við-
horfið gagnvart fiskvinnslunni.
„Enn sem komið er hefur sjávarút-
vegur ekki gert kröfur um sérmenntun
í almennum fiskvinnslustörfum, utan
þess sem starfsfólk aflar sér á sér-
fræðslunámskeiði. Þörfin fyrir sérnám
sem undirbúning að störfum í fisk-
vinnslu og aukið fagnám í greininni er
orðin brýn og með þeim breyttu
áherslum sem eru að verða á fisk-
vinnsiu, fækkun og sérhæfingu starfa
vegna tækniframfara og vegna krafna
kaupenda um agaðri vinnubrögð við
framleiðsluna til tryggingar á gæðum
afurða, finnst mér nauðsyn að fara að
ÆGIR 25