Ægir - 01.04.1999, Blaðsíða 34

„Hver eru þessi sóknarfœrí? Jú þau snúast að mestu leyti um það að auka vinnslustig
sjávarafurða og auka með því móti útflutningsverðmœti íslensku þjóðarinnar" segir
Gunnar B. Sigurgeirsson.
Nýjar þarfir?
Ljóst er að neytendur kalla eftir
smærri skömmtum í matvælum. Ein
af ástæðunum er sú að hlutfali eldra
fólks er að aukast og einstaklingsmál-
tíðum fjölgar.
Hvers konar vörur sem eru þægileg-
ar í eldun eða í meðhöndlun verða sí-
fellt vinsælli. í því sambandi má nefna
t.d. frosnar tilbúnar máltíðir eða hálf-
tilbúnar. Þessi aukna eftirspurn eftir
þægindavörum nær ekki eingöngu til
smásölu heldur einnig til veitinga-
húsa.
Ljóst er að fólk hefur nú minni
tíma til eldunar m.a. vegna þess hvað
langt er orðið milli vinnustaða og
heimila. Frítími fólks er oftar metinn
hærra verði en svo að fólk sé tilbúið til
að eyða löngum stundum í elda-
mennsku.
Önnur afleiðing sem tengist tíma-
skorti og breyttum lífsháttum er að
fólk borðar oftar úti. Það er hins vegar
ekki tilbúið til að eyða miklum fjár-
munum í hvert skipti heldur vill fólk
einnig geta keypt ódýran mat og fært
þannig vinnuna við að matbúa til
veitingahúsanna. Þannig má njóta
þess að borða góðan mat án þess að
hafa mikið fyrir því eða þurfa að reiða
fram háar fjárhæðir í hvert skipti. Á
sama hátt munu því veitingahúsin
þurfa að aðlagast nýjum aðstæðum.
Kröfur um ódýran mat en góðan gera
það að verkum að veitingahúsin vilja
spara dýran mannskap, dýrt pláss og
jafnframt geta afgreitt fleiri rétti í
senn. Með öðrum orðum: Matreiðslan
er að færast meira yfir á iðnaðarstigið
þ.e. á framleiðendur matvæla. Þessi
þróun á einnig við um fiskafurðir.
Veitingahúsin eru því þannig að biðja
framleiðendur um að útvega vörur
sem þægilegt og fljótlegt er að með-
höndla. Einnig þarf að vera hægt að
útbúa fallega og bragðgóða rétti með
mannskap sem ekki er menntað mat-
reiðslufólk.
Þannig færist matreiðslan yfir á
framleiðendur. Við höfum séð þessa
þróun undanfarin ár. Fyrst með auk-
inni eftirspurn eftir beinlausum flök-
um, síðan beinlausum flakabitum sem
skornir eru þannig að þeir eru allir
svipaðir að þyngd og lögun og loks
eftir fiskbitum með tilbúnum sósum
eða aðra slíka þægindavöru t.d.
hjúpaðan fisk en talsvert er flutt út af
slíkri vöru frá íslandi. Margt fleira
mætti nefna sem styður þessa þróun.
Ljóst er að breytt samsetning fjöl-
skyldna og breytt aldursdreifing fólks
mun hafa mikla þýðingu fyrir viðhorf
þess og kröfur. Jafnframt skapast ný
sóknarfæri fyrir íslenska fiskvinnslu.
Ný tækifæri
Hver eru þessi sóknarfæri? Jú þau snú-
ast að mestu leyti um það að auka
vinnslustig sjávarafurða og auka með
því móti útflutningsverðmæti íslensku
þjóðarinnar. Það er ljóst að hér er um
mikla fjármuni að ræða fyrir íslenskan
sjávarútveg og íslenskt þjóðarbú. Ekki
eingöngu er þetta fólgið í auknu út-
flutningsverðmæti heldur eru mikil
hliðaráhrif. Starfsfólk í íslenskum
frystihúsum fær aukin tækifæri í gegn-
34 miR