Árbók Háskóla Íslands - 01.02.1959, Blaðsíða 107

105
sín, er þeir undirbúa utanför. Þá jókst mjög í sumar fyrirgreiðsla
við erlenda stúdenta, er hingað komu. Voru þeim eftir föngum út-
vegaðar hentugar ferðir innanlands og gerðu þeir margir víðreist.
Ferðaþjónustan útvegaði einnig í sumar allmörgum stúdentum at-
vinnu, m. a. í síldariðnaðinum, en það er algengt erlendis, að stúd-
entar ferðist, meðan pyngjan endist, en setjist þá að og vinni fyrir
næsta áfanga eða heimferðinni. Gafst það vel hér.
Á síðastliðnum vetri voru teknar upp viðræður við SSTS um mögu-
leika á gagnkvæmum hópferðum. Samband var einnig haft við þýzka
stúdenta um þetta mál, og bíður þetta verkefni næstu ferðamála-
nefndar.
Fram að þessu hefir ferðaþjónustan eingöngu annazt ferðir er-
lendis, en stúdentaráð samþykkti á s. 1. vetri að efla starfið með
ferðum innanlands. Var efnt til skíðaferðar, sem tókst vel, þó fámenn
væri. Ennfremur voru gerðar ítrekaðar tilraunir til að koma á
skemmtiferðum í sumar, en lítill áhugi stúdenta kom í veg fyrir það.
Kemur þar fleira til greina, m. a. hve stúdentar eru dreifðir um
sumartímann.
Verður það eitt af verkum starfsmanns stúdentaráðs að annast
ferðaþjónustuna.
Formaður ferðaþjónustunnar veturinn 1958—59 var Grétar Br.
Kristjánsson, en Ólafur Egilsson veitti henni forstöðu sumarið 1959.
Safn af blaðaúrklippum.
SHÍ ákvað senmma á starfsárinu, að það skyldi koma sér upp
safni af blaðaúrklippum, og skyldi ritari ráðsins annast um það.
Félagsheimili stúdenta.
í nokkur ár hefir verið fremur hljótt yfir Félagsheimili stúdenta,
sem hugmyndin var að reisa sem samkomustað stúdenta, ungra og
gamalla, og eins konar miðstöð alls félagslífs þeirra. Stúdentaráð
kynnti sér málið, en treystist ekki til að beita sér fyrir framkvæmd-
um. Vonandi tekst að finna heppilega lausn á þessu mikilsverða máli
í næstu framtíð og ættu háskólastúdentar ekki að láta sinn hlut eftir
liggja, til þess að vinna að framgangi þess.
Handbók stúdenta.
Fyrir tæpum 3 árum var því fyrst hreyft í stúdentaráði, að gefin
yrði út ný Handbók stúdenta, þar eð handbókin frá 1948 var þá
löngu úrelt orðin og raunar líka uppurin. Málinu var þó fljótlega
skotið á frest, vegna hinna nýju háskólalaga, sem þá voru í undir-
búningi.
14