Dýraverndarinn - 01.05.1980, Blaðsíða 20
Dýravernd
í Keflavík
Framh. af bls. 17.
Farið var með nemendur í Sæ-
dýrasafnið við Hafnarfjörð og
einnig í Hjálparstöð dýra í Víðidal,
og þeir látnir kynna sér á hvern
hátt stöðin gat aðstoðað dýraeig-
endur í Keflavík.
Til þess að auðveida nemendum
gagnasöfnun voru þeim lánuð ein-
tök af dýraverndunarlögunum og
reglugerð um dýragarða og sýning-
ar á dýrum, svo og lögreglusam-
þykkt Keflavíkur.
Einnig fengu nemendur bækur
um meðferð heimilisdýra að láni.
Bækurnar voru á ensku, dönsku og
íslensku.
Nemendum voru gefin nokkuð
blöð af Dýraverndaranum.
Tími til gagnasöfnunar var ein
vika. Seinni vikan var síðan notuð
til úrvinnslu og uppsetningu sýn-
ingar í skólanum, sem stóð í þrjá
daga. Dýraverndunarhópurinn setti
upp sinn sýningarbás þannig, að á
pappaspjöld voru ritaðar ýmsar
niðurstöður frá gagnasöfnuninni
og límdar eða teiknaðar myndir.
Köttur, fuglar, stórir og smáir, voru
á sýningunni. Einnig skjaldbaka,
kanína og hamstur.
Er skemmst frá því að segja, að
öll þessi vinna var mjög ánægjuleg
bæði fyrir nemendur og leiðbein-
anda.
Vill stjórn S.D.Í. nota tækifærið
og þakka forráðamönnum Gagn-
fræðaskólans í Keflavík svo og
þeim er höfðu yfirumsjón með
þessum tveim starfsvikum fyrir
velvilja, hjálpsemi og skilning að
taka DÝRAVERND upp, sem
verkefni í skólanum.
Jórunn Sörensen.
Meðferð heimilisdýra
Hópurinn fékk það verkefni að lesa bækur um dýr,
bæði á íslensku dönsku og ensku (en danska og enska
eru þau erlendu tungumál, sem kennd eru í skólan-
um). Hópurinn skipti liinum ýmsu dýrategundum nið-
ur á milli sín af afraksturinn voru ágætis greinargerðir
um meðferð hunda og katta, búrfugla og fiska. Einnig
voru skjaldbökum og kanínum gerð góð skil.
Skoðunarkönnun
Hópurinn rannsakaði dýrahald í Keflavík og viðhorf
manna til dýra í gegn um viðtöl við almenning. í
skýrslu sem nemendur skiluðu um þessa skoðanakönn-
un kemur fram m.a., að talað liafi verið við 42 aðila.
Af þeim áttu 14 einhvert heimilisdýr. Helstu kvörtun-
aratriðin voru lausir hundar á flakki og alltof mikið
af flækingsköttum. Þetta fannst fólkinu, sem spurt var
valda ónæði, en tók einnig fram að margt annað ylli
einnig ónæði ,t.d. mótorhjól.
Flestir sögðust taka hundana sína með sér í ferðalög
innanlands en öðrum dýrategundum var komið fyrir
í góðu fóstri. Margir ræddu um að fólk ætti ekki að fá
sér dýr nema að það væri vel undir það búið og væri
dýravinir.
Langflestir af þeim sem spurðir voru voru meðmælt-
ir stofnun dýraverndunarfélaga á Suðurnesjum.
Hjálparstöð dýra skoðuð
Einn daginn var hópurinn á Hjálparstöð dýra (Dýra-
spítalanum) í Víðidal. Þennan dag var frekar rólegt.
Nokkur dýr voru í gæslu, bæði hundar og kettir, m.a.
læða með kettlinga. Puddel-hundur kom til að láta
snyrta á sér feldinn og einnig var komið með einn
hund, sem var fótbrotinn.
I skýrslu hópsins segir m.a., að þeim hafi verið sýnt
hvernig ætti að hirða hunda og bursta.
20
DYRAVERNDARINN