Hlín - 01.01.1925, Síða 30

28 Hlin
reynslustundum þessarar tilveru látið hver annan finna
það og sjá, að
kærleikans Guð er til.
Sigurlina Sigtryggscióttir.
Æsustöðum í Eyjatirði.
Garðyrkja.
Par sem gott lag er komið á garðyrkjuna, þykir eig-
endunum verulega vænt um garðana sína, láta sjer mjög
ant um að vinna öll verk við þá á rjettum tíma, spara
ekki áburðinn, hafa girðingar í góðu lagi, og fyrirhyggju
um gott útsæði, fræ o. s. frv.
Garðarnir eru heimili til sóma eins og vel hirtur og
fallegur peningur. — Pessum garðeigendum finst þeir,
að vonum, missa spón úr askinum sínum, þegar garð-
arnir bregðast, það er eins og að missa kú úr fjósinu,
en ekki kemur þeim góðu mönnum til hugar að van-
rækja garðana sína nokkru sinni, þótt þeir, þrátt fyrir
góða umhirðingu, kunni að bregðast við og við. Engum
dettur í hug að hætta að hirða um túnið, þó grasleysisár
komi, eða að erja sjóinn, þótt afli bregðist. — Maðurinn
sáir, en Guð gefur ávöxtinn þarna eins og annarsstaðar.
Sem betur fer eru margir vel hirtir garðar hjer á landi
og heldur fer þeim fjölgandi, en ekki verður því neitað,
að garðyrkjan stendur enn á lágu stigi á landi voru,
borið saman við önnur lönd, — og ber margt til þess.
— Nú veit jeg að menn muni segja: »Já, borið saman
við önnur lönd, það er nú til nokkurs að gera þann