Hlín - 01.01.1925, Qupperneq 65

HÍln
63
til umhugsunBr og umræðu almenn mál og þó einkum
innanhjeraðsmál. Petta fjelag beitist fyrir því að erindi
sjeu flutt og málin rædd í Sæluvikunni.
Pessi allsherjar hátíð hjeraðsbúa stendur mjög djúpum
rótum í hugum þeirra. Alt árið hlakkar fólkið tii Sælu-
vikunnar. Hvert ár er að einum þræði undirbúningur
þess, sem þar á að fara fram. Svo þegar upp renna hinir
þráðu dagar er uppi fótur og fit. Allir, sem að heiman
komast, halda til Sauðárkróks. Sjeu ísalög í hjeraðinu og
veður góð, getur orðið svipmikil för fólksins í löngum
sleðalestum eða á góðhestum Skagafjarðar. Þá gerist
mikil glaðværð í hjeraði og hugarhrif fólksins.
Hvað er það svo, sem gerist í Sæluvikunni? í fyrsta
lagi eru rædd vandamál hjeraðsins á fundi sýslunefndar-
innar. í öðru lagi er skemt gömlum og ungum. í þriðja
lagi eru hjeraðs- og þjóðmál reifuð og rædd á almenn-
um málfundum.
í fjórða lagi verða náin kynni hjeraðsbúa, er þeir hafa
svo langa dvöl saman á mörgum samkomum og skemt-
unum og þess á milli margvíslega samfundi á gistinga-
stöðum. Þar hreyfa einstakir menn áhugamálum sínum
og þar getur orðið undirbúinn framgangur nauðsynja-
mála hjeraðsins.
Gildi stórra samkvætna liggur oftast að miklu í kynn-
ingu fólksins, jafnvel þótt fátt gerist þar annað, en að
fundum mann'a beri saman. — Alþingi íslendinga til forna
var slík menningarstofnun vegna samfunda höfðingja og
alþýðu víðsvegar að af landinu. — auðigur þóttumk,
er ek annan fann, maðr es manns gaman.« — Mál skýr-
ast best, hugur skilst gerst og samúð getur vaxið upp
milli fjarstaddra manna, þegar rætt er orði til orðs og
undir fjögur augu. Við slík náin kynni falla niður margir
fordómar og andúð hjaðnar, en skilningur og velvild
glæðist, þar sem áður var deyfð, kuldi eða þverúð ókunn-
leikans.