Heilbrigðismál - 01.10.1976, Blaðsíða 19

Viðbótarbygging sem minnst hefur verið á á
síðustu aðalfundum virðist enn vera fjarlægur
draumur.
2. Leitarstöð B.
Leitarstöðin hefur verið rekin með svipuðu
sniði og áður. Leit að krabbameini í brjósti hefur
þó tekið meiri tíma en fyrr. Yfirlæknir leitar-
stöðvarinnar mun gera grein fyrir starfseminni
sérstaklega hér á eftir.
3. Krabbameinsskráning.
Hrafn Tuliníus byrjaði í fullu starfi sem for-
stöðumaður krabbameinsskrárinnar l.júlí 1975.
Fyrir erlent styrktarfé hefur verið keypt tölva af
svonefndri Vang gerð og er nú hægt með stuttum
fyrirvara að fá útskriftir úr skránni. Ýmsir
læknar hafa á s.l. ári í auknum mæli leitað
aðstoðar og upplýsinga hjá krabbameinsskránni
í sambandi við sérstök rannsóknarverkefni.
Hrafn Tuliníus forstöðumaður krabbameins-
skrárinnar mun gera nánari grein fyrir starf-
seminni hér á eftir.
4. Nordisk Cancerunion.
Þing Norræna krabbameinssambandsins var
að þessu smni haldið í Kaupmannahöfn í
september. Þingið hófst að venju með fundi for-
manna krabbameinsfélaganna á Norðurlöndum
°g ritara þeirra. Sátum við Halldóra Thor-
oddsen þá fundi. í sambandi við þingið voru
einnig að venju fundir formanna krabbameins-
skráninganna á Norðurlöndum. Hrafn Tuliníus
sat þá fundi fyrir okkar hönd og gaf að lokum
skýrslu til formanna krabbameinsfélaganna um
þennan fund. Eftir fundinn í Kaupmannahöfn
var haldin ráðstefna fræðimanna á þessu sviði.
Sú ráðstefna var haldin í ráðstefnubyggingunni
Skandikon sem er gistihús með ráðstefnusölum
og aðstöðu til fundahalda. Að þessu sinni voru
flutt fjölmörg erindi um lyfjameðferð á krabba-
meini og voru mörg markverð erindi flutt á fundi
þessum. Margir fyrirlesaranna lögðu áherslu á
hve mikilvægt það væri til árangurs í lyfja-
meðferð að greina æxli á byrjunarstigi eins og
áður hefur verið undirstrikað varðandi árangur
af skurðaðgerðum og geislameðferð.
5. Fræðslustarfsemi.
Eins og undanfarin ár hefur fræðslustarfsemi
krabbameinsfélaganna að mestu leyti hvílt á
herðum Krabbameinsfélags Reykjavíkur. Jón
Oddgeir Jónsson sem um árabil hefur starfað að
þeim málum sem erindreki Krabbameinsfélags
Reykjavíkur lét nú af því starfi fyrir aldurssakir.
Er mér ljúft að flytja Jóni Oddgeiri alúðar þakkir
krabbameinsfélaganna fyrir hans þýðingarmikla
starf á þeirra vegum um áraraðir. í störf Jóns
hefur verið ráðinn Þorvarður Örnólfsson lög-
fræðingur sem framkvæmdastjóri Krabba-
meinsfélags Reykjavíkur. Hann hefur byrjað sitt
starf af miklum krafti og fyrst og fremst beitt sér í
baráttunni við sígarettureykingar. Þorvarður
hefur tekið upp nýja aðferð í áróðurstækni
varðandi þetta mál. Hefur hann virkjað efstu
bekki barnaskóla hér í borginni í þessari baráttu
Hrafn Tulinius.
Cunnlau^ur Gcirsson.
Guðmundur Jóhannesson.
-um heilbrigðiwnól
19