Heilbrigðismál - 01.10.1976, Blaðsíða 23

Athyglisverð áskorun
Læknafélags tslands
Á aðalfundi Lœknafélags íslands í september 1975 var samþykkt áskorun
sem vert er að vekja athygli á. Áskoruninni var komið á framfœri með bréfi
því sem hér er birt.
„Alþjóðaheilbrigðisstofnun Sameinuðu þjóð-
anna birti á síðasta ári álit sérfræðinganefndar
um skaðsemi tóbaksreykinga. Þar er vísað til
margra rannsókna er sýna að reykingar eru
mikilvægur orsakaþáttur lungnakrabba, lang-
vinnra lungnasjúkdóma, kransæðasjúkdóma og
æðaþrengsla, auk þess sem tóbaksreykingar hafa
ýmis heilsuspillandi áhrif.
Rétt þykir að benda á ráðleggingar nefndar-
innar til heilbrigðisstétta sem „ættu að gera sér
ljóst mikilvægi þess að vinna gegn reykingum
meðal annars með því að reykja ekki“.
Á síðasta aðalfundi Læknafélags íslands var
samþykkt tillaga frá Bjarna Bjarnasyni lækni
sem nú er nýlátinn, en Bjarni var ötull baráttu-
maður gegn reykingum og einn af forystu-
mönnum Krabbameinsfélagsins frá stofnun
þess. í tillögunni er skorað á ýmsa aðila sem geta
haft áhrif með fordæmi sínu að íhuga ábyrgð
sína hvað reykingar varðar. Stjórn L.f. vill með
bréfi þessu koma þessari áskorun á framfæri.
Tillagan hljóðar svo:
„Vegna hins geigvænlega heilsutjóns, sem
tóbaksreykingar valda, skorar aðalfundur
Læknafélags íslands á:
— lækna að reykja ekki,
— stjórnir og starfsmannaráð sjúkrahúsa og
annarra heilbrigðisstofnana að reyna að draga úr
reykingum starfsfólks á vinnustað,
— kennara að reykja ekki í skólum eða á um-
ráðasvæði þeirra,
— foreldra að íhuga ábyrgðina gagnvart börn-
um sínum og vernda þau gegn reykingahættunni
með því að reykja ekki sjálf,
— stjórnendur og starfsfólk sjónvarps að
hlutast til um að þeir sem þar koma fram reyki
ekki meðan á útsendingu stendur."
Stjórn Lœknafélags Íslands.
fréttobtéf- titTv ■heifbúgóismóf
23