Heilbrigðismál - 01.07.2007, Blaðsíða 16
EINS OG ÉG HEFÐI
VERIÐ KÝLD NIÐUR
María Norðdahl hefur öðlast áræðni,
kraft og þor eftir krabbameinsmeðferð
„Að fara í gegnum svona aðgerð og
lyfjameðferð í kjölfarið var eins og ég hefði
verið kýld niður á núllpunkt. Ég sé ekki
fram á að ná fullum bata fyrr en eftir tvö til
þrjú ár." Svo mælir María Norðdahl kenn-
ari sem var skorin upp við ristilkrabbameini
í febrúar 2006 og lauk lyfjameðferð hálfu
ári síðar.
Hún þurfti reyndar að gangast undir
tvær aðgerðir sökum þess að tengingin á
ristli gaf sig og hún fékk sýkingu og líf-
himnubólgu. Lyfjagjöfin stóð í tvo sól-
arhringa í senn en á milli þess sem María lá
á spítala vann hún hjá Kennarasambandi
íslands. „Ég er mjög þakklát fyrir að hafa
fengið að hafa mína hentisemi í vinnunni
því það var í raun hluti af andlegri end-
urhæfingu. Fólkið hjá Kennarasamband-
inu er yndislegt og reyndist mér einstak-
lega vel."
María hefur verið í iðjuþjálfun og end-
urhæfingu hjá Ljósinu, en starfsemi þess
er sniðin að þörfum krabbameinssjúklinga
og aðstandenda þeirra. „Mér finnst vanta
heildstæðara upplýsingaflæði og eft-
irfylgni fyrir krabbameinssjúklinga af hálfu
spftalans. Og þar fyrir utan er ekki upplífg-
andi að fara í endurhæfingu á sömu
sjúkrastofnun og aðgerðin fór fram. Ljósið
býður upp á iðjuþjálfun af ýmsu tagi, Ifk-
amsrækt, nudd og jóga."
María segir að aukaverkanirnar af §
krabbameinslyfjunum hafi verið það versta J
í sjúkdómsferlinu. „Lyfin valda eitrun í o
taugakerfinu með þeim afleiðingum að öll J
hreyfing verður erfiðari og athafnar dag-
legs lífs raskast. Við það getur skapast
vítahringur. Vöðvar rýrna, stoðkerfið
hrynur, jafnvægi raskast og svo mætti
lengi telja. Líkamsræktin hefur hins vegar
byggt upp áræðni, kraft, þor og sjálfs-
traust. Bara það að fá rétt innlegg í skó
breytti því að ég gat farið að hreyfa mig
eðlilega á ný."
María segir að engin kúvending hafi
orðið í matarvenjum hennar þrátt fyrir
María hefur þurft að glíma við
aukaverkanir vegna krabbameins-
lyfjanna.
sjúkdóminn en afstaða hennar til lífsins
hefur breyst töluvert. „Ég sé flest í nýju
Ijósi, kann betur að meta það sem ég hef
og hef ennfremur kynnst fólki á annan
hátt."
ÞÞ.
NÚ NJÓTUM VIÐ
HVERS EINASTA DAGS
Konráð Guðmundsson fyrrum hótelstjóri
hefur náð fullum bata eftir ristilkrabbamein
„Ég var staddur á Mallorca í maí árið
1996 þegar ég fann fyrst fyrir óþægindum
í kviðnum. Ég fór hins vegar ekki til læknis
fyrr en fimm mánuðum síðar. Guðmundur
Vikar læknir sendi mig í ristilskoðun til
Hallgríms Guðjónssonar sem dreif mig
Krabbamein í ristli og endaþarmi
er annað algengasta krabbameinið
hjá körlum og hið þriðja hjá konum.
Ár hvert greinast um 120 íslend-
ingar með þennan sjúkdóm og eru
karlarnir fleiri en konurnar.
Meðalaldurinn er 71 ár hjá körlum
og 72 ár hjá konum.
nánast beint I aðgerð til Tómasar Jóns-
sonar. ( kjölfar hennar tók við hálfs árs
lyfjameðferð undir handleiðslu Helga Sig-
urðssonar. Allt eru þetta afbragðsmenn."
Konráð Guðmundsson er léttur í lund
enda laus við sjúkdóminn og nýtur sam-
veru við börnin, barnabörnin og barna-
barnabörnin. „Já, blessuð börnin eru út
um allt. Það er yndislegt að hafa tima og
næði til að njóta þeirra."
Hótelstjórinn fyrrverandi á Hótel Sögu
segist hafa fengið bestu aðhlynningu sem
völ var á á spitalanum á sínum tima. „Það
var aldeilis hugsað vel um mann. Ég kom
reglulega í eftirlit á göngudeildina en fimm
árum síðar var ég útskrifaður og talinn
læknaður."
Konráð segist hafa gengið fram og til
baka heima hjá sér og upp og niður stiga
til að ná fyrri styrk. „Sumir vilja meina að
það að þramma svona fram og til baka sé
fyrsta stigs geðveiki," segir kappinn og
hlær.
Aðspurður um viðbrögðin við því að
hafa fengið tíðindin um krabbamein segir
Konráð að honum hafi fundist læknirinn
5
2
o
«j
E
O
Konráð var feginn að hann skyldi
hafa fengið krabbamein en ekki
einhver annar í fjölskyldunni.
ekki hafa verið að tala við sig. Bryndís,
dóttir hans, segir að hann hafi margtuggið
það hversu feginn hann var að hann skyldi
hafa greinst en ekki einhver annar (fjöl-
skyldunni. Konráð drakk lúpínuseyði sam-
hliða lyfjagjöfinni og segir að það hafi gert
sér gott. „Núna lifum við hjónin bara lífinu
lifandi og njótum hvers einasta dags."
ÞÞ.
16 HEILBRIGÐISMÁL 1/2007